ព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ទៅដល់សាធារណរដ្ឋប្រជាធិបតេយ្យទីម័រឡេស្តេហើយ

ទីម័រឡេស្តេ ៖ ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស នៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ (CAMSOC) លើកទី៣២ និងអាស៊ានប៉ារ៉ាហ្គេម (CAMAPGOC) លើកទី១២ អមដំណើរដោយឯកឧត្តម អ៊ីវ ហ៊ាង ឯកអគ្គរាជទូត នៃព្រះរាជាណាចក្រកម្ពុជា ប្រចាំសាធារណរដ្ឋប្រជាធិបតេយ្យទីម័រឡេស្តេ ដែលមាននិវេសនដ្ឋាននៅរដ្ឋធានីហ្សាកាតា អញ្ជើញចូលជួបសម្តែងការគួរសមជាមួយ ឯកឧត្តម José Ramos-Horta ប្រធានាធិបតីទីម័រឡេស្តេ នៅវិមានប្រធានាធិបតី នារសៀលថ្ងៃទី០៣ ខែមេសា ឆ្នាំ២០២៣ មុនពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្មាំ២០២៣ ដែលនឹងប្រព្រឹត្តនៅថ្ងៃស្អែក និងដោយមានការចូលរួមពិធីដង្ហែ និងរត់កាន់ភ្លើងគប់ដោយផ្ទាល់ពីឯកឧត្តមប្រធានាធិបតី ព្រមទាំងថ្នាក់ដឹកនាំស្ថាប័នពាក់ព័ន្ធទីម័រខាងកើត ឯកអគ្គរាជទូត និងកីឡាករ-កីឡាការិនីប្រមាណជាង ៨០០នាក់៕