ការដង្ហែព្រះអគ្គិជ័យកីឡា នៃការប្រកួតកីឡាអាស៊ីអាគ្នយ៍ លើកទី៣២ និងកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ មកដល់ភូមិសាស្រ្តរាជធានីភ្នំពេញ

ភ្នំពេញ៖ រដ្ឋបាលរាជធានីភ្នំពេញ នៅថ្ងៃទី ២៤ ខែ មេសាឆ្នាំ២០២៣ បានចេញសេចក្តីជូនដំណឹង
ស្តីពីការដង្ហែព្រះអគ្គិជ័យកីឡា នៃការប្រកួតកីឡាអាស៊ីអាគ្នេយ៍ លើកទី៣២ និងកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ មកដល់ភូមិសាស្រ្តរាជធានីភ្នំពេញ។

រដ្ឋបាលរាជធានីភ្នំពេញ មានកិត្តិយស សូមជម្រាបជូនដំណឹងដល់បងប្អូនប្រជាពលរដ្ឋទាំងអស់បានជ្រាបថា នៅថ្ងៃទី២៨ ខែមេសា ឆ្នាំ២០២៣ ខាងមុខនេះ ព្រះអគ្គិជ័យកីឡា នៃការប្រកួតកីឡាអាស៊ីអាគ្នេយ៍ លើកទី៣២ និងកីឡាអាស៊ានប៉ារាំហ្គេម លើកទី១២ ឆ្នាំ២០២៣ នឹងដង្ហែតាមរថយន្តពីខេត្តស្ទឹងត្រែងចូលមកដល់ភូមិសាស្ត្ររាជធានីភ្នំពេញ ត្រង់ចំណុចស្ពានទី១២ បណ្ដោយផ្លូវជាតិ លេខ៦ សង្កាត់បាក់ខែង ខណ្ឌជ្រោយចង្វារ នៅវេលាម៉ោង ១៧ និង ២០ នាទីល្ងាច៕