ខ្មាន់កាំភ្លើងបាញ់ខ្លួនឯងតាមក្រោយ រងរបួសធ្ងន់ ក្រោយពេលថ្លៃបាញ់ប្រហារបងថ្លៃនិងបងជីដូនមួយ បណ្តាលឲ្យស្លាប់ទាំង២នាក់

ភ្នំពេញ ៖ ស្ត្រីម្នាក់ត្រូវជាបងជីដូនមួយនិងម្នាក់ទៀត ត្រូវជាបងថ្លៃបានស្លាប់ទាំង២នាក់ ខណ:បុរសជាប្អូនថ្លៃដែលជាខ្មាន់កាំភ្លើងបានបាញ់ប្រហារជាច្រើនគ្រាប់ ហើយបាញ់សម្លាប់ខ្លួនឯងតែគ្រាន់តែរងរបួសធ្ងន់កាលពីវេលាម៉ោង ១០និង៣០នាទី ថ្ងៃទី២៧ ខែមេសា ឆ្នាំ២០២៣ ស្ថិតនៅតាមបណ្តោយផ្លូវលេខ១៣៣ ក្នុងភូមិប្រាល ឃុំតានី ស្រុកអង្គរជ័យ ខេត្តកំពត។

ខ្មាន់កាំភ្លើងខាងលើឈ្មោះមា កុម្ភះ ហៅចែម អាយុ៣៨ឆ្នាំ មុខរបរមិនពិតប្រាកដនិង ជាមុខសញ្ញាប្រើប្រាស់និងចែកចាយគ្រឿងញៀនយ៉ាងសកម្ម ។
ចំណែកស្ត្រីរងគ្រោះ ដែលជាបងជាដូនមួយបានត្រូវគ្រាប់កាំភ្លើងស្លាប់ក្នុងថ្លុកឈាម មានឈ្មោះ នួន សុខា មុខរបជាគ្រូបង្រៀន។
ចំណែកស្ត្រីដែលជាបងថ្លៃម្នាក់ទៀត បានស្លាប់មានឈ្មោះ អ៊ាង កំពុងតែសង្រ្គោះបន្ទាន់នៅមន្ទីរពេទ្យ ខេត្តតាកែវ។
ចំណែកខ្មាន់កាំភ្លើងកំពុងតែដឹកយកទៅកន្លែងឃុំឃាំង ក្នុងខេត្តកំពត។

ក្រោយកើតហេតុសមត្ថកិច្ចនៃអធិការដ្ឋាននគបាលស្រុកអង្គរជ័យ កំពុងតែចុះទៅពិនិត្យនៅទីតាំងកើតហេតុនឹងយកខ្សែហ៊ុំព័ទ្ធជុំវិញ រួចធ្វើកំណត់ហេតុនិងធ្វើការសាកសួរបន្តក្នុងករណីបាញ់ប្រហាខាងលើនេះ ។ ចំណែកឯបុរសជាប្អូនថ្លៃនិងជាខ្មាន់កាំភ្លើង បញ្ជូនទៅមន្ទីរឃុំឃាំងនៅខេត្តកំពតរួចបន្តនិតិវិធីចាត់ការទៅតាមច្បាប់៕