បុរសម្នាក់លោតពីលើស្ពានសម្លាប់ខ្លួន សង្ស័យមានវិបត្តិស្នេហា
ភ្នំពេញ៖មានករណីបុរសម្នាក់លោតពីលើស្ពានបាឡេសម្លាប់ខ្លួន បានកើតឡើង នៅថ្ងៃទី២៣ ខែតុលា ឆ្នាំ២០១៨ វេលាម៉ោង១៤និង១៥នាទី នៅចំណុចស្ពានបាឡេ ក្រុម០៤ ភូមិឃ្លាំងសាំង សង្កាត់ឫស្សីកែវ ។ជនរងគ្រោះឈ្មោះសាំង សុរាជ ភេទប្រុស អាយុ២១ឆ្នាំ មានទីលំនៅផ្ទះលេខ១៤B ផ្លូវ៣១ ក្រុម១ ភូមិសន្សំកុសល២ សង្កាត់បឹងទំពុន ខណ្ឌមានជ័យ រាជធានីភ្នំពេញ មុខរបរនៅផ្ទះ។
ប្រភពពីឈ្មោះ អ៊ា ឆៃលី ភេទស្រី អាយុ១៩ឆ្នាំ មានទីលំនៅ សង្កាត់បឹងទំពុន ខណ្ឌមានជ័យ បានជិះម៉ូតូចេញពីម្តាយមីងនៅជិតអាគារមេគង្គវ្យូថោវី សង្កាត់ជ្រោយចង្វា ខណ្ឌជ្រោយចង្វា ជាមួយមិត្តភក្តិឈ្មោះ ហ្វារីត ភេទប្រុស ពេលជិះចេញមកបានចំងាយប្រហែល៣០០ម៉ែត្រ ស្រាប់តែជនរងគ្រោះឈ្មោះ សាំង សុរាជ ដែលជាអតីតសង្សាររបស់ឈ្មោះ អ៊ា ឆៃលី បានជិះម៉ូតូមកកាក់ម៉ូតូរបស់ឈ្មោះ ហ្វារីត និងឈ្មោះអ៊ា ឆៃលី ហើយអោយឈ្មោះ អ៊ា ឆៃលី ឡើងជិះម៉ូតូជាមួយខ្លួន ឈ្មោះ សាំង សុរាជ បានឌុបឈ្មោះ អ៊ា ឆៃលី មកដល់ស្ពានបាឡេរួច ឈ្មោះ សាំង សុរាជ បានផ្តួលម៉ូតូរត់ឡើងលើស្ពានលោតចុះទៅក្រោមសម្លាប់ខ្លួនតែម្តង។ ឈ្មោះសាំង សុរាជ និងឈ្មោះ អ៊ា ឆៃលីអតីតជាសង្សានឹងគ្នាច្រើនឆ្នាំមកហើយ តែ២នាក់នេះ បានចែកផ្លូវគ្នាផ្តាច់ការទាក់ទងរយៈពេល ២ខែមកហើយទើបតែបានជួបគ្នាថ្ងៃកើតហេតុ៕
