ឃាត់ខ្លួនជនសង្ស័យ ២នាក់ ដឹកជញ្ជូនកញ្ឆាក្រៀមខុសច្បាប់ ចំនួន១១គីឡូក្រាម
តាកែវ៖ កម្លាំងជំនាញរបស់អធិការដ្ឋាននគរបាលស្រុកគិរីវង់ បានបង្ក្រាបនិងវាយខ្នោះស្រ្តី២នាក់ ក្នុងករណីដឹកជញ្ជូននូវកញ្ឆាក្រៀមខុសច្បាប់មួយករណីថ្មីទៀត។
ស្នងការដ្ឋាននគរបាលខេត្តតាកែវ បានឲ្យដឹងថា នៅយប់ថ្ងៃអង្គារ៍ ទី២៣ ខែតុលា ឆ្នាំ២០១៨ វេលាម៉ោង១៩ និង៣៧ កម្លាំងជំនាញរបស់អធិការដ្ឋាននគរបាលស្រុកគិរីវង់ បានចុះបង្រ្កាបករណីដឹកជញ្ជូន នូវកញ្ឆាក្រៀមខុសច្បាប់មួយករណីថ្មីទៀតហើយ នៅត្រង់ចំណុចភូមិជ្រោយស្លែង ឃុំគិរីចុងកោះ ស្រុកគិរីវង់ ខេត្តតាកែវ ។ ដោយអនុវត្តតាមបទការចង្អុលបង្ហាញ ពីសំណាក់លោកឧត្តមសេនីយ៍ទោ សុខ សំណាង ស្នងការនគរបាលខេត្ត អំពីបញ្ហាបទល្មើសគ្រឿងញៀន កម្លាំងជំនាញបានធ្វើការស្រាវជ្រាវ រហូតឃាត់ខ្លួនជនសង្ស័យបានចំនួន២នាក់ ១.ឈ្មោះ គ្រួយ ស៊ីវទាង អាយុ៣០ឆ្នាំ រស់នៅភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ ២.ឈ្មោះ ភាព លាងហ៊ត អាយុ២៨ រស់នៅភូមិ ឃុំ ជាមួយគ្នា និងដកហូតបានរួមមាន កញ្ឆាក្រៀម១១គីឡូក្រាម និង ម៉ូតូ១គ្រឿង ម៉ាកស្គុបពី ស៊េរីឆ្នាំ២០១៩ ពណ៌ស ពាក់ស្លាកលេខភ្នំពេញ 1GU-3756 ។ បច្ចុប្បន្នជនសង្ស័យកម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធី ៕
