អ្នកលេងកែងវង្ស ណយជួបឃុន ក្រុងថេបនៅសង្វៀនTV5ថ្ងៃបើករជ្ជកាលពានរង្វាន់ថ្មី
ភ្នំពេញ;រជ្ជកាលពានរង្វាន់ថ្មីរបស់សង្វៀនTV5បានប្រកាសបើកនៅយប់ថ្ងៃទី២៧តុលានេះហើយ គឺប្រភេទទម្ងន់៥៧គីឡូក្រាម ។
ជាមួយនឹងការប្រកាសបើកការប្រកួតរជ្ជកាលថ្មីនេះអ្នកប្រដាល់វង្ស ណយក្លិបកុលបុត្រគុនខ្មែរនឹងប្រកួតជា
មួយអ្នកប្រដាល់ជើងខ្លាំងថៃឃុន ក្រុងថេប(Khun Krongthep)ដោយប្រកួតគ្នាក្នុងប្រភេទទម្ងន់៧០គីឡូក្រាម ។នេះ
ជាការជួបប្រកួតគ្នារវាងអ្នកប្រដាល់ដែលចូលចិត្តលេងកែង និង ជង្គង់ដូចគ្នា ។្
វង្ស ណយទោះបីការប្រកួតរបស់ភាគច្រើនជួបបរាជ័យក៏ពិតមែនតែគេជាអ្នកប្រដាល់ដែលមានប្រជាប្រិយ
ភាពខ្លាំងក្នុងចំណោមប្រជាជនខ្មែរដែលជាអ្នកនិយមប្រដាល់គុនខ្មែរ ។អ្នកប្រដាល់ដែលចូលចិត្តក្អេងក្អាងលើហ្វេស
ប៊ុករូបនេះចិត្តមិនធំទេតែបើគូប្រកួតខ្សោយជាងគេចិញ្ច្រាំយក តែម្ដងតែបើគូប្រកួតខ្លាំងនោះបើទំនងជាស៊ីគេមិនបានវង្ស ណយសន្លប់ស្មារលាហើយ ។
ចំពោះឃុន ក្រុងថេបវិញមួយរយៈនេះការប្រកួតនៅស្រុកខ្មែរគេដណ្ដើមបានជ័យជំនះរហូតតែម្ដង ។គេជា
អ្នកប្រដាល់ល្អកែង និង ជង្គង់ដូចវង្ស ណយដែរ ។ការជួបគ្នាលើកដំបូងបែបនេះមិនដឹងថានរណាមានសំណាងល្អនោះទេ ។
ចំពោះការប្រកួតដណ្ដើមពានវិញនោះមានអ្នកប្រដាល់ចំនួន៣២រូបមកពីក្លិប-សមាគមចំនួន៣២ទូទាំងប្រទេសចូលរួម ។
ការប្រកួតដូចរជ្ជកាលមុនៗដែរគឺមានតែ៣ទឹកដែលនរណាចាញ់ខ្ទាតចេញពីការប្រកួត ឯ អ្នកឈ្នះនឹងបន្តប្រកួតតទៅទៀត ។វគ្គជម្រុះជុំទី១ដែលមាន៣២រូបនោះគឺជម្រុះទុក១៦រូប ។ ជុំទី២ជម្រុះទុក៨ជុំទី៣ជម្រុះទុក៤រូបដើម្បីប្រកួតបន្តទៅវគ្គពាក់កណ្ដាលផ្ដាច់ព្រ័ត្រ ។
នៅវគ្គពាក់កណ្ដាលផ្ដាច់ព្រ័ត្រអ្នកឈ្នះនឹងបន្តប្រកួតដណ្ដើមពានជើងឯកដែលមានរង្វាន់៤.០០០ដុល្លារ ឯជើងឯករង២.០០០ដុល្លារ ។ចំពោះអ្នកចាញ់នៅវគ្គពាក់កណ្ដាលផ្ដាច់ព្រ័ត្រត្រូវប្រកួតគ្នាដណ្ដើមចំណាត់ថ្នាក់លេខ ៣ដែលអ្នកឈ្នះបាន៧៥០ដុល្លារ និងអ្នកចាញ់បាន៥០០ដុល្លារ ។
សម្រាប់សប្ដាហ៍ដំបូងថ្ងៃទី២៧តុលានេះមាន២ប្រកួតអេ រដ្ឋាក្លិបអេភូថងកីឡាប្រកួតជាមួយងួន គាក្លិបតាឡីដំរីមានរិទ្ធ ។មួយប្រកួតទៀតបឺត សង្ឃឹមក្លិបរ៉ាហាប់ស្វាយប៉ាកប្រកួតជាមួយសយ សីក្លិបពន្លឺវិនុលដារិទ្ធពោធិ៍សែនជ័យ ។
រវាងអ្នកប្រដាល់ទាំង៤រូបនេះនឹងមាន២រូបខ្ទាតចេញពីការប្រកួត ឯ ២រូបទៀតដណ្ដើមបានកៅអីសម្រាប់ប្រកួតជម្រុះជុំទី២ ។នរណាមានសមត្ថភាពឆ្លងផុតជុំទី១នេះ ។សូមបញ្ជាក់ថារជ្ជកាលដែលទើបតែនឹងបញ្ចប់ទៅនេះលាប រដ្ឋាក្លិបដីឡូតិ៍មានរិទ្ធខេត្តបន្ទាយមានជ័យជាអ្នកគ្រងជើងឯកដោយយកឈ្នះលន បញ្ញាសមាគមប្រដាល់ក្រសួងការពារជាតិនៅវគ្គផ្ដាច់ព្រ័ត្រ ។