រុស្ស៊ីនឹងវាយប្រហារបណ្ដាប្រទេសក្នុងទ្វីបអឺរ៉ុបណាមួយ ប្រសិនបើពួកគេ ផ្តល់ទីតាំងសម្រាប់គ្រាប់មីស៊ីល បំពាក់ក្បាលនុយក្លេអ៊ែររបស់អាមេរិក
កាលពីថ្ងៃពុធ ប្រធានាធិបតី Vladimir Putin បាននិយាយថា រុស្ស៊ីនឹងត្រូវបង្ខំចិត្តវាយប្រហារ ប្រទេសក្នុងទ្វីបអឺរ៉ុប ណាមួយដែលយល់ព្រមផ្តល់ទីតាំងសម្រាប់ គ្រាប់មីស៊ីលបំពាក់ក្បាលនុយក្លេអ៊ែរ របស់អាមេរិក ដោយទីក្រុង Washington បានដកខ្លួនចេញពីសន្ធិសញ្ញាត្រូវពិនិត្យអាវុធសម័យសង្គ្រាមត្រជាក់ ។ ដោយនិយាយទៅកាន់សន្និសីតកាសែតមួយ បន្ទាប់ពីធ្វើកិច្ចចរចាជាមួយនាយករដ្ឋមន្ត្រីអ៊ីតាលី Giuseppe Conte លោក Putin បាននិយាយ លោកចង់ធ្វើកិច្ចពិភាក្សា អំពីអ្វីដែលលោកចាត់ទុកថា ជាគម្រោងដ៏គ្រោះថ្នាក់របស់អាមេរិក ដែលដកខ្លួនចេញ ពីសន្ធិសញ្ញាស្តីពីកម្លាំង នុយក្លេអ៊ែរ រយៈចម្ងាយមធ្យម (INF) ដោយប្រធានាធិបតី Donald Trump ។ មេដឹកនាំនៃប្រទេសទាំងពីរ ត្រូវបានរំពឹងថា នឹងជួបពិភាក្សាគ្នា ក្នុងទីក្រុងប៉ារីស នាថ្ងៃទី១១ ខែវិច្ឆិកា ៕
