កំណាត់ផ្លូវខេត្តលេខ២PVH៨ ជិត៦គីឡូម៉ែត្រនៅ ស្រុកជាំក្សាន្ត ត្រូវវបានមន្ទីរសាធារណការ ខេត្តព្រះវិហារ ជួសជុល ថែទាំឡើងវិញ
ព្រះវិហារ៖ កំណាត់ផ្លូវខេត្តលេខ២PVH៨ ជិត៦គីឡូម៉ែត្រ ស្ថិតនៅភូមិធម្មជាតិសម្តេចតេជោ ឃុំស្រអែម ស្រុកជាំក្សាន្ត ដែលខូចខាតកន្លងមកត្រូវបានមន្ទីរសាធារណការ និងដឹកជញ្ជូនខេត្តព្រះវិហារ ធ្វើការជួសជុល ថែទាំឡើងវិញដើម្បីសម្រួលការធ្វើដំណើររបស់ប្រជាពលរដ្ឋ ។
លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឱ្យដឹងថា នៅថ្ងៃព្រហស្បតិ៍ ១១រោចខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៩ ខែវិច្ឆិកា ឆ្នាំ២០២៣ នេះ ក្រុមការងារថែទាំផ្លូវថ្នល់ នៃមន្ទីរសាធារណការ និងដឹកជញ្ជូនខេត្តព្រះវិហារ បានធ្វើការ ជួសជុល ថែទាំ កំណាត់ផ្លូវខេត្តលេខ២PVH៨ ប្រវែង៥.៥៥គីឡូម៉ែត្រ ស្ថិតនៅភូមិធម្មជាតិសម្តេចតេជោ ឃុំស្រអែម ស្រុកជាំក្សាន្ត ដោយធ្វើការកៀរសម្រួល ស្រោចទឹកកិនបង្ហាប់ ដើម្បីសម្រួលការធ្វើដំណើររបស់ប្រជាពលរដ្ឋ។
លោក សំ លាងទ្រី ក៏បានអំពាវអោយបងប្អូនប្រជាពលរដ្ឋទាំងអស់ បើកបរ ដោយការគោរពច្បាប់ចរាចរណ៍ផ្លូវគោកទាំងអស់គ្នា៕