មន្ទីរសាធារណការខេត្តព្រះវិហារបាននឹងកំពុងសកម្មភាពការងារថែទាំផ្លូវជាតិលេខ៦២និងផ្លូវជាតិលេខ៩៥
ខេត្តព្រះវិហារ៖ នៅព្រឹកថ្ងៃទី ២៩ តុលា ២០១៨នេះ មន្ទីរសាធារណការ និងដឹកជញ្ជូនខេត្តព្រះវិហារ បាននឹងកំពុងសកម្មភាពការងារថែទាំផ្លូវជាតិលេខ៦២និងផ្លូវជាតិលេខ៩៥ រួមនិងសម្អាតរុក្ខជាតិតាមដងផ្លូវផងដែរ ដើម្បីជួយសម្រួលចរាចរណ៍ជូនប្រជាពលរដ្ឋនិងក៏ដើម្បីជាការលើកសោភណ្ឌភាពតាមដងផ្លូវអោយកាន់តែប្រសើរឡើង។
លោកសំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារបានអោយដឹងថា ក្រុមការងារថែទាំប្រចាំផ្លូវជាតិនៃមន្ទីរសាធារណការ និងដឹកជញ្ជូនខេត្តព្រះវិហារ បាននឹងកំពុងធ្វើសកម្មភាពការងារលើកំណាត់ផ្លូវជាតិលេខ៦២ និងផ្លូវជាតិលេខ៩៥ ដើម្បីជួយសម្រួលចរាចរណ៍ជូនប្រជាពលរដ្ឋក្នុងការធ្វើដំណើរ។
លោកបន្តថា ក្រុមសម្អាតរុក្ខជាតិតាមដងផ្លូវ លើកំណាត់ផ្លូវជាតិលេខ៩៥ បានធ្វើសកម្មភាព ចាប់ពីគីឡូម៉ែត្រ៨០+០០០ ដល់គីឡូម៉ែត្រ៤៥+០០០ សម្រេចបានប្រវែង ៣៥គីឡូម៉ែត្រ។ចំណែក ក្រុមជួសជុលរនាំងដែកសុវត្ថិភាពវិញបានធ្វើការជួសជុលរនាំងដែកសុវត្ថិភាព០១កន្លែង លើកំណាត់ផ្លូវជាតិលេខ៦២ ចន្លោះគីឡូម៉ែត្រ៩៣-៩៤ សម្រេចបាន ៣ផ្ទាំងប្រវែង ១២ម៉ែត្រ៕
