សង្វៀនTV5 អ្នកប្រដាល់កម្ពុជា ឈ្នះថៃទាំង៣រូប

ភ្នំពេញ៖ការប្រកួតប្រដាល់លើសង្វៀនTV5នាយប់ថ្ងៃទី៣ធ្នូអ្នកប្រដាល់កម្ពុជាបានទទួលជ័យជំនះលើអ្នកប្រដាល់ថៃទាំង៣រូបតែម្ដង។
សូត្រ វាសនាក្លិបបក្សីស្លាបដែកបានយកឈ្នះអ្នកប្រដាល់ថៃដែន ភិឈីត(Den Phichhet)ដោយពិន្ទុបន្ទាប់ពីពួកគេប្រកួតគ្នា៥ទឹកពេញមកនោះ។

ជំនួបរវាងអ្នកប្រដាល់ទាំង២
រូបនេះមានលក្ខណៈតឹងតែងយ៉ាងខ្លាំងដោយសារទាំងសងខាងសុទ្ធតែមានផ្លែវ៉ៃចេញល្អដូចគ្នា។
វាសនាដែលល្អកែងនិងជង្គង់នោះក៏វេទនាដោយសារកណ្ដាប់ដៃនិងស្នៀតទាត់របស់ដែនភិឈីតដែរតែការវ៉ៃចេញរបស់វាសនាមានប្រៀបលើអ្នកប្រដាល់ថៃរូបនេះតែបន្តិចបន្តួចប៉ុណ្ណោះ។ពួកគេប្រកួតគ្នា៥ទឹកពេញដោយជ័យជំនះបានទៅលើសូត្រ វាសនា។

សោម ពិសិដ្ឋក្លិបហ្គាឡាក់ស៊ីណាវ៉ាត្រាបានផ្ដួលអ្នកប្រដាល់ថៃនេត ផាយ៉ាក់(Neth
Phayak)ឲ្យសន្លប់មុនស្នូរជួងបញ្ចប់ទឹកទី៤។
៣ទឹកដំបូងការប្រកួតរវាងអ្នកប្រដាល់ទាំង២ក៏មានលក្ខណៈតឹងតែងដែរ។ការវ៉ៃចេញ
របស់ពួកគេមានប្រសិទ្ធិភាពដូចគ្នាតែនេត ផាយ៉ាក់ត្រូវពិសិដ្ឋវ៉ៃឲ្យអាជ្ញាកណ្ដាលរាប់៨នៅទឹក
ទី៣ហើយនៅទឹកទី៤គេក៏សន្លប់ក្រោកលែងលែងរួចតែម្ដង។

គង់ ហ៊ូវក្លិបមេសថ្ងកខេត្តស្វាយរៀងបានប្រើជើងទាត់អ្នកប្រដាល់ថៃកាថា ថេប(Katha
Thep)ចំមុខបណ្ដាលឲ្យសន្លប់ធំនៅត្រឹមទឹកទី២ប៉ុណ្ណោះ។
ជំនួបរវាងអ្នកប្រដាល់ទាំង២រូបនេះគង់ ហ៊ូវចង់ផ្ដួលកាថា ថេបតាំងពីទឹកទី១មកម្ល៉េះតែ
អ្នកប្រដាល់ថៃរូបនេះបានព្យាយាមការពារជើងនិងកែងរបស់គង់ ហ៊ូវព្រោះគេដឹងថាអាវុធដ៏
ពិសិដ្ឋរបស់គង់ ហ៊ូវគឺទាត់ដែលកន្លងមកមានអ្នកប្រដាល់មិនតិចទេដែលសន្លប់ក្រោមទម្ងន់
ជើងរបស់គេ។

កាថា ថេបដែលម្ដងកាពារកែងម្ដងការពារជើងនោះមកដល់ទឹកទី២ស្មារតីរបស់គេក៏
ដូចជាស្រុតចុះធ្វើឲ្យគង់ ហ៊ូវបញ្ចេញមួយជើងចំផ្ទៃមុខសន្លប់ក្រោកលែងរួចតែម្ដង។
ចំពោះជំនួបរវាងអ្នកប្រដាល់រួមជាតិក្នុងតំណែងគូពិសេសនោះអ្នកប្រដាល់អេលីត ប៊ុន
តុងក្លិបនាយកដ្ឋានអង្គរក្សបានផ្ដួលអ្នកប្រដាល់ធន បូរីក្លិបកងយោធពលខេមរភូមិន្ទឲ្យសន្លប់
មុនសហនូរជួងបញ្ចប់ទឹកទី២៕