បាន់ដា សាក់លេខមុខនៅស្រុកខ្មែរជាថ្មី

ភ្នំពេញ៖អ្នកប្រដាល់ជើងខ្លាំងថៃបាន់ដាសាក់(Banda Sak)បានលេខមុខជាថ្មីនៅស្រុក
ខ្មែរដោយណាត់ប្រកួតជាមួយអ្នកប្រដាល់កម្ពុជាធនអៀងឡេងលើសង្វៀនTV5ថ្ងៃទី១០ធ្នូខាងមុខនេះ។
អ្នកប្រដាល់ថៃរូបនេះអវត្តមានពីសង្វៀនស្រុកខ្មែរមួយរយៈធំហើយទើបតែពេលនេះដែលគេបង្ហាញខ្លួនឡើងវិញដោយជួបប្រកួតជាមួយជើងខ្លាំងជំនាន់ក្រោយរបស់កម្ពុជា។

អៀងឡេងជាអ្នកប្រដាល់ស្រករក្រោយក៏ពិតមែនតែប្រវត្តិប្រកួតរបស់គេអស្ចារ្យណាស់
ដោយឡើងសង្វៀន៧២ដងឈ្នះ០ដងចាញ់១០ដងស្មើពិន្ទុ២ដងនិងវាយគូប្រកួតឲ្យសន្លប់បានចំនួន៣៥ដង។
ចំពោះបាន់ដា សាក់វិញគេជាខ្លាចាស់ដែលមានប្រវត្តិប្រកួតមិនអន់នោះទេ។ក្នុងប្រវត្តិ
ប្រកួតចំនួន៨០ដងគេឈ្នះបានចំនួន៦០ដងចាញ់២០ដងនិងវាយគូប្រកួតឲ្យសន្លប់បានចំនួន
៩ដង។ជំនួបរវាងខ្លាចាស់ថៃជាមួយអ្នកប្រដាល់ជើងថ្មីកម្ពុជានរណាមានសមត្ថភាពកសាង
ជ័យជំនះបាន?សូមបញ្ជាក់ថាអ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៥៤គីឡូក្រាម។
ខាំ កូនខ្លាក្លិបមហិទ្ធិរិទ្ធមេសថ្ងកត្រូវបានផ្គូរផ្គងឲ្យប្រកួតជាមួយអ្នកប្រដាល់ថៃយ៉ត ផេត(Yorth Phat)ដោយប្រកួតគ្នាក្នុងប្រភេទទម្ងន់៦០គីឡូក្រាម។

ខាំ កូនខ្លាគឺពិតឃាខ្លាដូចឈ្មោះមែនជាអ្នកប្រដាល់ដែលតែតែប្រើកែង ជង្គង់និងប្រើ
កណ្ដាប់ដៃយកឈ្នះគូប្រកួត។ក្នុងប្រវត្តិប្រកួតចំនួន៩០ដងគេបានទទួលជ័យជំនះចំនួន៧៨ដងចាញ់៨ដងស្មើពិន្ទុ៤ដងនិងវាយគូប្រកួតឲ្យសន្លប់បានចំនួន២០ដង។
ចំពោះយ៉ត ផេតវិញគេក៏មិនមែនជាអ្នកប្រដាល់ដែរខ្សោយដែរទើបមន្ត្រីខាងផ្គូរផ្គងដាក់
ឲ្យប្រកួតជាមួយខាំ កូនខ្លាបែបនេះ។ក្នុងប្រវត្តិឡើងសង្វៀនចំនួន៧៥ដងគេឈ្នះបានចំនួន៥៥
ដងចាញ់១៩ដងស្មើពិន្ទុ១ដងនិងវាយគូប្រកួតឲ្យសន្លប់បានចំនួន១០ដង។ខាំ កូនខ្លាអាចនឹង
បន្ថែមស្ថិតិឈ្នះនៅក្នុងកំណត់ត្រារបស់ខ្លួនបានដែរឬទេសម្រាប់ជំនួបនេះ។
ប៊ុន សុធាក្លិបកងយោធពលខេមរភូមិន្ទត្រូវបានដាក់ឲ្យប្រកួតជាមួយអ្នកប្រដាល់ថៃ
ផេត ផាន់ថេ(Phat Phanthea)ដោយប្រកួតគ្នាក្នុងប្រភេទទម្ងន់៥៤គីឡូក្រាម។
សុធាជាអ្នកប្រដាល់រហ័សកែងនិងជង្គង់ទោះបីពេលខ្លះគេការពារមិនសូវបានល្អក៏ពិតមែន។អ្នកប្រដាល់រូបនេះមានប្រវត្តិឡើងសង្វៀនចំនួន៨៩ដងឈ្នះ៨១ដងចាញ់៤ដងស្មើពិន្ទុ២ដងនិងវាយគូប្រកួតឲ្យសន្លប់បានចំនួន៦០ដង។

ចំណែងផេត ផាន់ថេវិញគេមានប្រវត្តិប្រកួតចំនួន៧០ដងឈ្នះ៥០ដងចាញ់២០ដងនិង
វាយគូប្រកួតឲ្យសន្លប់បានចំនួន៧ដងប៉ុណ្ណោះ។ផាន់ថេអាចតស៊ូជាមួយប៊ុន សុធាបានឬទេ?
ជំនួបរវាងអ្នកប្រដាល់រួមជាតិក្នុងតំណែងគូឯកវិញនោះនូវ សុខទីក្លិបតាឡីដំរីមានរិទ្ធ
ប្រកួតជាមួយអេលីត ផានិតក្លិបនាយកដ្ឋានអង្គរក្សក្នុងប្រភេទទម្ងន់៥៤គីឡូក្រាម។សំរិទ្ធ សុ
ភាពក្លិបហ្គាឡាក់ស៊ីណាវ៉ាត្រាប្រកួតជាមួយរិទ្ធី សុវណ្ណឃីមក្លិបSuper Fightក្នុងប្រភេទទម្ងន់
៥៤គីឡូក្រាម៕