ម្សិលម៉ិញកម្ពុជាដណ្ដើមបានមេដាយ១៤គ្រឿង ពីការប្រកួតចំបាប់ជើងឯកអាស៊ីអាគ្នេយ៍

ភ្នំពេញ៖ថ្ងៃទី៦ធ្នូម្សិលម៉ិញនេះដែលជាថ្ងៃដំបូងនៃការប្រកួតចំបាប់ជើងឯកអាស៊ីអាគ្នេយ៍ក្រុមកីឡាចំបាប់ជម្រើសជាតិកម្ពុជា ដណ្ដើមបានមេដាយចំនួន ១៤គ្រឿង។
សម្រាប់ថ្ងៃបើកឆាកនៃព្រឹត្តិការណ៍នេះធ្វើការប្រកួតតែលើប្រភេទអាយុក្រោម១៧ឆ្នាំបុ
រស-នារីប៉ុណ្ណោះ ដែលមានវិញ្ញាសាសរុបចំនួន ២៤។

ក្នុងចំណោមមេដាយទាំ១៤គ្រឿងនោះមានមេដាយមាស១គ្រឿងប្រាក់៦គ្រឿងនិងសំរិទ្ធ៧គ្រឿង។ពេលនេះក្រុមកីឡាចំបាប់យុវជនកម្ពុជាឈរចំណាត់ថ្នាក់លេខ៣ក្នុងតារាងមេដាយបណ្ដោះអាសន្ន។ ក្រោយដណ្ដើមបានមេដាយសរុប ១៤គ្រឿង (មាស ១ វៀតណាម ឈរកំពូលតារាងដណ្ដើមបានមេដាយច្រើនជាងគេសរុប ២៤គ្រឿង (មាស ១៩ និងប្រាក់ ៥) និងថៃ ឈរលេខ២ ឈ្នះមេដាយសរុប ៧គ្រឿង (មាស ៣ ប្រាក់ ៣ និងសំរឹទ្ធ ១)។

ក្រុមកីឡាចំបាប់សិង្ហបុរី ដណ្ដើមបានមេដាយ ៤គ្រឿង (មាស ១ ប្រាក់ ២ និងសំរឹទ្ធ ១), ហ្វីលីពីន ដណ្ដើមបានមេដាយ ៩គ្រឿង (ប្រាក់ ៦និងសំរឹទ្ធ៣),ឥណ្ឌូនេស៊ីដណ្ដើមបានមេដាយ ២គ្រឿង(ប្រាក់ ១ និងសំរឹទ្ធ ១) ឯក្រុមកីឡាចំបាប់ឡាវ មិនទាន់ដណ្ដើមបានមេដាយនោះទេ។
ការប្រកួតកីឡាចំបាប់ជើងឯកអាស៊ីអាគ្នេយ៍ឆ្នាំ២០២៣នៅកម្ពុជានេះនឹងប្រព្រឹត្តទៅរយៈពេល ៤ថ្ងៃ ចាប់ពីថ្ងៃទី០៦ដល់០៩ ខែធ្នូ ដោយមានអត្តពលិកចូលរួមសរុប ២៧៦នាក់ មកពី ៨ប្រទេស ។ ការប្រកួតបែងចែកជា ៣ប្រភេទ គឺប្រភេទអាយុក្រោម ១៧ឆ្នាំ, អាយុក្រោម ២០ឆ្នាំ និងក្រុមធំ ចាប់ពីអាយុ ២០ឆ្នាំឡើង ៕