ហាប់គីដូនឹងប្រកួតជើងឯក ថ្នាក់ជាតិលើកដំបូង

ភ្នំពេញ៖សហព័ន្ធខ្មែរកីឡាហាបន់គីដូនឹងរៀបចំការការប្រកួតជើងឯកថ្នាក់ជាតិរបស់
ខ្លួនជាលើកដំបូងដោយប្រើប្រាស់ថវិការបស់សហព័ន្ធផ្ទាល់ដោយខ្លួនឯង។
តាមការគ្រោងទុកការប្រកួតនេះនឹងធ្វើពីថ្ងៃទី២៣ដល់ថ្ងៃទី២៤ខែធ្នូឆ្នាំ២០២៣នៅពហុកីឡដ្ឋានជាតិអូឡាំពិក។
លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូបានប្រាប់ឲ្យដឹងថា យោងចំណារឯកភាពរបស់លោកឧកញ៉ាសៅសេងហាក់ប្រធានសហព័ន្ធខ្មែរកីឡាហាប់គីដូបានអនុញ្ញាតរៀបចំការប្រកួតកីឡាហាប់គីដូ ជ្រើសរើសជើងឯកថ្នាក់ជាតិលើកទី១ ឆ្នាំ២០២៣ និងប្រព្រឹត្តិទៅពីថ្ងៃទី២៣ ដល់ថ្ងៃទី២៤ ខែធ្នូ ឆ្នាំ២០២៣ នៅពហុកីឡដ្ឋានជាតិអូឡាំពិក។

ការប្រកួតចែកចេញជា២វ័យគឺកុមារនិងសម្រាប់អ្នកពេញវ័យនិងមាន២៣វិញ្ញាសារួមមានផ្នែកកុមារវិញ្ញាសាលោតចម្ងាយ (Hapkido Long-Fall) ឯកត្តជនកុមារា និងឯកត្តជនកុមារី។ វិញ្ញាសាលោតកម្ពស់ (Hapkido High-Fall) ឯកត្តជនកុមារាមាន វិញ្ញាសាស្នៀតការពារខ្លួន (Hapkido Self-Defense) គូកុមារីម្នាក់-កុមារាម្នាក់ (កុមារីជាអ្នកការពារ) វិញ្ញាសាប្រយុទ្ធ ឯកត្តជនកុមារា។ ចំណែកវិញ្ញាសាឯកត្តជនកុមារី វិញ្ញាសាទាត់ និងដាល់ល្បឿន ឯកត្តជនកុមារា ឯកត្តជនកុមារី ។

ផ្នែកពេញវ័យ វិញ្ញាសាលោតចម្ងាយ (Hapkido Long-Fall) ឯកត្តជនបុរស និងឯកត្តជននារី វិញ្ញាសាលោតកម្ពស់ (Hapkido High-Fall) ឯកត្តជនបុរស វិញ្ញាសាស្នៀតការពារខ្លួន (Hapkido Self-Defense) គូនារីម្នាក់-បុរសម្នាក់ (នារីជាអ្នកការពារ) វិញ្ញាសាប្រយុទ្ធ បុរស ៥៥គីឡូក្រាម ៦០គីឡូក្រាម នារី ៤៥គីឡូក្រាម៕