រចនាបថទាំង១២ សម្រាប់ជម្រើសរៀបចំប្លង់កៅអីអង្គុយ ក្នុងពហុកីឡដ្ឋានជាតិ អូឡាំពិក

ភ្នំពេញ៖ដើម្បីកែសម្រួលកៅអីដែលបានដាក់នៅពហុកីឡដ្ឋានជាតិដោយគណៈកម្មការរៀបចំហេដ្ឋារចនាសម្ព័ន្ធនៅពហុកីឡដ្ឋានជាតិអូឡាំពិកដោយមិនត្រូវតាមស្តង់ដារបស់សហព័ន្ធបាល់ទាត់ទ្វីបអាស៊ី( AFC )និងសហព័ន្ធបាល់ទាត់អន្តរជាតិ( FIFA)សហព័ន្ធកីឡាបាល់
ទាត់កម្ពុជានឹងរៀបចំកៅអីអង្គុយឡើងវិញឲ្យបានត្រឹមត្រូវតាមស្ដង់ដារ។

ការធ្វើជាម្ចាស់ផ្ទះក្នុងការប្រកួតអន្តរជាតិគឺតម្រូវអោយមានកៅអីដែលមានបង្អែកបញ្ហា
នេះ សហព័ន្ធកីឡាបាល់ទាត់កម្ពុជាបានស្នើទៅសហព័ន្ធកីឡាបាល់ទាត់ ASEAN Football Federation(AFF)ដើម្បីផ្តល់កញ្ចប់ថវិកាឧបត្ថម្ភក្នុងការផ្លាស់ប្តូរបំពាក់កៅអីដែលមានបង្អែកអោយស្របតាមស្តង់ដារបស់ AFC និង FIFA ។

រាល់ការប្រកួតពីមុនដែលពុំមានកៅអីមានបង្អែកដែលយើងបានរៀបចំការប្រកួតអន្តរជាតិកន្លងមកគឺក្រោមការអនុគ្រោះរបស់AFCដូច្នេះយើងអាចរៀបចំធ្វើការប្រកួតអន្តរជាតិបាន ។

សម្រាប់កៅអីមិនមានបង្អែកដែលនឹងត្រូវផ្លាស់ប្តូរចេញសហព័ន្ធកីឡាបាល់ទាត់កម្ពុជានឹងផ្តល់ជូនទៅក្លឹបជាសមាជិក ឬ ភាគីផ្សេងៗ ដើម្បីយកទៅប្រើប្រាស់តាមតម្រូវការ ។

ជាមួយនឹងគោលដៅនេះសហព័ន្ធបានអនុញ្ញាតឲ្យបេក្ខជននានាចូលរួមរចនាកៅអីថ្មី
ដែលពេលនេះសហព័ន្ធទទួលបានស្នាដៃរចនាបថទាំង១២ដែលទទួលបានការបោះឆ្នោតច្រើនជាងគេ ពីសាធារណៈជន ក្នុងការរចនាប្លង់កៅអីអង្គុយនៃពហុកីឡដ្ឋានជាតិ កាលពីជុំទី ១។

ស្នាដៃទាំង១២នេះសហព័ន្ធត្រូវបានយកទៅបោះឆ្នោតដោយធ្វើការខមមិន (Comment) លេខរចនាបថ ហើយនីតិវិធីប្រកួតគឺគណនីហ្វេសប៊ុកមួយ រាប់តែមួយសម្លេងបោះឆ្នោត។
បេក្ខភាពដែលទទួលបានការបោះឆ្នោតច្រើនជាងគេ នឹងត្រូវបានជ្រើសរើសជាជ័យលាភី ៕