ប្រធានគណបក្សប្រជាជនកម្ពុជា សម្រេច ឱ្យលោក នេត្រ ភត្ដ្រា រដ្ឋមន្ដ្រីក្រសួងព័ត៏មាន ជាប្រធានក្រុមការងារគណបក្សចុះមូលដ្ឋានខេត្តក្រចេះ ជំនួសលោក ព្រុំ សុខា

ភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានចេញសេចក្តីសម្រេចចាត់តាំងលោក នេត្រ ភត្ដ្រា ជាប្រធានក្រុមការងារគណបក្សចុះមូលដ្ឋានខេត្តក្រចេះ ជំនួសលោក ព្រុំ សុខា។
នេះបើយោងតាមសេចក្តីសម្រេចរបស់សម្តេចតេជោ ចុះថ្ងៃទី១១ ខែធ្នូ ឆ្នាំ២០២៣។
ជាមួយគ្នានេះ ក្នុងសេចក្តីសម្រេចដដែលនេះ សម្តេចតេជោ ហ៊ុន សែន ក៏បានចាត់តាំងលោក សរ ចំរុង ជាអនុប្រធានទី១ ក្រុមការងារគណបក្សចុះមូលដ្ឋានខេត្តក្រចេះផងដែរ។ គណៈអចិន្ត្រៃយ៍នគណៈកម្មាធិការកណ្តាល សម្រេច ៖ ប្រការ ១ ៖ សម្រួលភារកិច្ច លោក ព្រំ សុខា ពីប្រធានក្រុមការងារគណបក្សចុះមូលដ្ឋានខេត្តក្រចេះ។
ប្រការ ២ ៖ ១. ចាត់តាំង លោក នេត្រ ភត្ដ្រា ជាប្រធានក្រុមការងារគណបក្សចុះមូលដ្ឋានខេត្តក្រចេះ ជំនួស លោក ព្រំ សុខា។
២. ចាត់តាំង លោក សរ ចំរុង ជាអនុប្រធានទី១ ក្រុមការងារគណបក្សចុះមូលដ្ឋានខេត្តក្រចេះ។
ប្រការ ៣ ៖ ស្ថាប័នគណបក្សដែលពាក់ព័ន្ធ ក្រុមការងារគណបក្សចុះមូលដ្ឋានខេត្តក្រចេះ និង លោក ដែលមានឈ្មោះក្នុងប្រការ ១ និងប្រការ ២ ត្រូវប្រតិបត្តិតាមសេចក្តីសម្រេចនេះ៕ សំរិត