ស្អែកនេះព្រឹត្តិការណ៍ “អ្នកលេងគុន” ប្រកួតជាផ្លូវការនៅ ពហុកីឡដ្ឋានជាតិអូឡាំពិកកម្ពុជា

ភ្នំពេញ៖មហាព្រឹត្តិការណ៍ការប្រកួត“អ្នកលេងគុន”នឹងបានចាប់ផ្តើមការប្រកួតជាផ្លូវការនៅថ្ងៃទី១៥ខែធ្នូឆ្នាំ២០២៣ក្នុងពហុកីឡដ្ឋានជាតិអូឡាំពិកកម្ពុជាដែលជាមហាព្រឹត្តិការណ៍មួយធ្វើឡើងដើម្បីផ្សព្វផ្សាយ និងការយល់ដឹងកាន់តែច្បាស់អំពីគុនល្បុក្កតោដល់ជនបរទេស និងប្រជាពលរដ្ឋកម្ពុជារបស់ដូនតាខ្មែរយើងដោយមានការរៀបចំរបស់សហព័ន្ធកីឡាគុនល្បុក្កតោកម្ពុជា។
“អ្នកលេងគុន” ជាព្រឹត្តិការណ៍មួយរបស់សហព័ន្ធសម្រាប់ជំរុញបន្ថែមក្នុងការប្រកួត និងការគាំទ្រលក្ខណៈអាជីពចំពោះវិស័យកីឡាគុនល្បុក្កតោដែលមានន័យថាក្នុងការអភិឌ្ឍន៍វិស័យកីឡាគុនល្បុក្កតោ ចំណែកនាពេលនេះ យើងត្រូវរុញគុនល្បុក្កតោឡើងមួយកម្រិតទៀត ដូច្នេះ“អ្នកលេងគុន”ជាព្រឹត្តិការណ៍សំខាន់មែនទែនសម្រាប់គុនល្បុក្កតោសហព័ន្ធនិងប្រទេសកម្ពុជា។

ដោយការប្រកួតកីឡាយុទ្ធសិល្ប៍ចម្រុះ(MMA/Mixed Matial Art)នោះសុទ្ធតែជាក្បាច់
របស់គុនល្បុក្កតោរបស់ដូនតាខ្មែរយើងទំាងអស់ ទំាងកីឡាករកម្ពុជា និងកីឡាករអន្តរជាតិ បច្ចេកទេសទំាងនោះស្ថិតនៅលើជញ្ជាំងប្រាសាទអង្គរវត្តនិងជញ្ជាំងប្រាសាទនានាក្នុងប្រទេសកម្ពុជា។ ដូច្នេះសហព័ន្ធកីឡាគុនល្បុក្កតោកម្ពុជាសង្ឃឹមថា “អ្នកលេងគុន” នេះ ជាវត្ថុមួយដើម្បីបង្ហាញវិរភាពរបស់ដូនតាខ្មែរប៉ុន្មានឆ្នាំមុនមកដល់បច្ចុប្បន្ននេះដើម្បីបង្ហាញឲ្យឃើញស្នាដៃដ៏អស្ចារ្យរបស់ពួកគាត់។

ព្រឹត្តិការណ៍នេះជាការបង្ហាញសាច់ដុំមួយឲ្យមានផុសផុលឡើងទាំងក្នុងស្រុកនិងក្រៅស្រុកដើម្បីផ្សព្វផ្សាយ និងការយល់ដឹងកាន់តែច្បាស់អំពីគុនល្បុក្កតោរបស់ដូនតាខ្មែរយើង។ ចំណុចសំខាន់ចុងក្រោយមួយទៀតអ្វីដែលយើងចង់ផ្សព្វផ្សាយព័ត៌មានទៅអារម្មណ៍ប្រជាជនកម្ពុជា ឲ្យយល់ដឹងកាន់ច្បាស់ពីចំណុចពិសេសនៃការប្រកួតកីឡា MMA ជាដើម។
ព្រឹត្តិការណ៍ស្អែកនេះនេះដោយប្រមូលផ្តុំជើងខ្លាំងមកពីប្រទេសចំនួន៤និងប្រទេសកម្ពុជាមួយទៀតរួមមានប្រទេសវៀតណាម ប្រទេសហ្វីលីពីន និងប្រទេសឥណ្ឌូនេស៊ី ៕