ក្លិបចំនួន៦ចូលរួមការប្រកួតកីឡាសីដក់ ជ្រើសរើសជើងឯកប្រចាំថ្នាក់ជាតិ ២០២៣

ភ្នំពេញ៖ព្រឹត្តិការណ៍ការប្រកួតកីឡាសីដក់ជ្រើសរើសជើងឯកប្រចាំថ្នាក់ជាតិ ២០២៣ បានចាប់ផ្តើមហើយនៅថ្ងៃទី១៤នាពហុកីឡដ្ឋានជាតិមរតតេជោរាជធានីភ្នំពេញ ដោយមានក្លិបចូលរួមចំនួន ៦ នៅទូទាំងប្រទេសកម្ពុជា ការប្រកួត។
ព្រឹត្តិការណ៍នេះរៀបចំដោយសហព័ន្ធកីឡាសីដក់និងឈិនឡូនកម្ពុជាដោយប្រើប្រាស់ថវិកាឧបត្ថម្ភរបស់ក្រសួងអប់រំ យុវជន និងកីឡា។

ក្លិបទំាង ៦ រួមមានក្លិបកីឡាសីដក់ក្រសួងមហាផ្ទៃ ក្លិបកីឡាសីដក់ ក្រសួងការពារជាតិ ក្លិបកីឡាសីដក់យុវខេមរា ក្លិបកីឡាសីដក់ បានលុង ក្លិបកីឡាសីដក់ មន្ទីរអយកខេត្តកណ្តាល និងក្លិបកីឡាសីដក់មជ្ឈមណ្ឌលកីឡាកងយោធពលខេមរភូមិន្ទ ។

កីឡាសីដក់នៅកម្ពុជាកាន់តែមានការរីកចម្រើនទាំងបរិមាណនិងគុណភាពល្អក្នុងពេលដ៏ខ្លីខាងមុខដោយសហព័ន្ធបានធ្វើការខិតខំបើកវគ្គបណ្តុះបណ្តាលនិងបង្កើនបរិមាណអត្តពលិក វ័យក្មេងនៅ តាមបណ្តាសមាគម-ក្លិបកីឡាសីដក់ ទូទាំងប្រទេស។ បង្កើតធនធានមនុស្ស និងសម្ភារហ្វឹកហាត់ឲ្យបានគ្រប់គ្រាន់ ជាអាទិ៍ សមាគមក្លិបដើម្បីងាយស្រួលក្នុងការហ្វឹកហាត់ ក៏ដូចជាចូលរួមប្រកួត ទាំងថ្នាក់ជាតិ និងថ្នាក់អន្តរជាតិ ៕