សម្តេចកិត្តិសង្គហបណ្ឌិត ម៉ែន សំអន អញ្ជើញប្រារព្ធពិធីបួងសួងសុំសេចក្តីសុខ សេចក្តីចម្រើន ជូនប្រទេសជាតិ និងប្រមុខដឹកនាំទូទាំងព្រះរាជាណាចក្រកម្ពុជា

ព្រះវិហារ ៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រនៃព្រះរាជា ណាចក្រកម្ពុជា បានរៀបចំប្រារព្ធពិធីអុជធូបថ្វាយគ្រឿងសក្ការៈបូជា និងបួងសួងសុំសេចក្តី សុខ សេចក្តីចម្រើនជូនប្រទេសជាតិ និងប្រមុខដឹកនាំទូទាំងប្រទេសកម្ពុជានៅមុខព្រះអង្គធំ ចតុមុខដែលមានទីតាំងស្ថិតនៅភូមិតាសែង ឃុំរណសិរ្យ ស្រុកសង្គមថ្មី ខេត្តព្រះវិហារ នាព្រឹក ថ្ងៃព្រហស្បតិ៍ ២កើត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែធ្នូ ឆ្នាំ២០២៣។
នៅក្នុងពិធីនោះ ក៏បានការអញ្ជើញចូលរួមពីសំណាក់ ឯកឧត្តម គីម រិទ្ធី អភិបាល ខេត្តព្រះវិហារ កងកម្លាំងប្រដាប់អាវុធទាំង៣ប្រភេទ មន្ត្រីរាជការជុំវិញខេត្តព្រះវិហារ និងប្រជា ពលរដ្ឋយ៉ាងច្រើនកុះករ ដែលបានញ៉ាំងឱ្យកម្មវិធីបួងសួង បានដំណើរការទៅយ៉ាងអធិក អធម។ សម្តេចកិត្តិសង្គហបណ្ឌិត ក៏បានបួងសួងថ្វាយព្រះពរជ័យប្រគេនពរដល់ ព្រះសង្ឃ គ្រប់ព្រះអង្គ និងគោរពជូនពរ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ថ្នាក់ដឹកនាំ មន្រ្តីរាជកាគ្រប់ក្រសួង ស្ថាប័ន ព្រមទាំងប្រជាពលរដ្ឋនៅទូទាំងប្រទេសសូម ឱ្យជួបតែសេចក្តីសុខ ជួបតែសន្តិភាព និងសេចក្តីចម្រើនគ្រប់ៗគ្នា។ ជាពិសេស សូមឱ្យ ប្រទេសជាតិរួចផុតពីជំងឺតម្កាត់ គ្រោះកាចចង្រៃចៀសផុតពីគ្រោះរាំងស្ងួត និងសម្បូរណ៍ សប្បាយស្ថិតស្ថិរជានិច្ចនិរន្តរ៍តរៀងទៅ។
សម្តេចកិត្តិសង្គហបណ្ឌិត ក៏បានចែកជូនដល់កងកម្លាំងចំនួន១៥០នាក់ ក្នុងម្នាក់ៗ ទទួលបានសារុងមួយ និងថវិកា២ម៉ឺនរៀល និងប្រជាពលរដ្ឋចំនួន៣៥០នាក់ ក្នុងម្នាក់ៗទទួល បានថវិកា ១ម៉ឺនរៀល៕. សំរិត