យប់ម៉ិញនេះភ្នំពេញក្រោនចាញ់Shan United១ទល់២

ភ្នំពេញ៖ជំនួបក្នុងព្រឹត្តិការណ៍AFC Cup 2023/2024យប់ម៉ិញនេះក្រុមជើងឯកលីគកម្ពុជា
ភ្នំពេញក្រោនលេងចាញ់ក្រុមShan Unitedដែលជាក្រុមជើងឯកលីគមីយ៉ាន់ម៉ា១ទល់២នៅកី
ឡដ្ឋាន Thuwunnaនាប្រទេសមីយ៉ាន់ម៉ា។

សម្រាប់ជំនួបកាត់សេចក្ដី នេះ ភ្នំពេញក្រោន បានស៊ុតបំប៉ោងសំណាញ់ទីក្រុមម្ចាស់ផ្ទះ ១គ្រាប់មុន ដោយកីឡាករ Andres Nieto នៅនាទី៣១បន្ទាប់មកក្រុម Shan United វាយបកបាន ២គ្រាប់វិញនៅចុងវគ្គទី១ដោយកីឡាករRacheen Belloនៅនាទី៤២និងមួយគ្រាប់ទៀតដោយ
កីឡាករYeYint Aungនៅនាទី៤៥+១ហើយលទ្ធផលនេះក៏បានរក្សាដល់ចប់ការប្រកួត៩០
នាទី។

ទោះបីបរាជ័យក៏ពិតមែនតែក្រុមភ្នំពេញក្រោននៅតែមានគ្រាប់បាល់ចំណេញច្រើនជាងគូប្រជែង ក្នុងនាមបេក្ខភាពក្រុមឈរចំណាត់ថ្នាក់លេខ២ ល្អជាងគេប្រចាំតំបន់អាស៊ាន។ ការណ៍នេះ នាំឲ្យក្រុមជើងឯកលីគកំពូលកម្ពុជានេះ ឆ្លងផុតវគ្គចែកពូល និងឡើងទៅវគ្គ Knock-Out Stage ឬវគ្គពាក់កណ្ដាលផ្ដាច់ព្រ័ត្រប្រចាំតំបន់អាស៊ាន នៃពានរង្វាន់ AFC Cup 2023/24 ជាមួយក្រុម Macarthur FC របស់អូស្ដ្រាលី ដែលឈរកំពូលតារាងពូល F តែម្ដង។
នេះជាលើកដំបូងហើយដែលក្លិបបាល់ទាត់ជើងឯកលីគកម្ពុជាបានឡើងដល់វគ្គពាក់កណ្ដាលផ្ដាច់ព្រ័ត្រប្រចាំតំបន់អាស៊ាន ក្នុងក្របខណ្ឌពានរង្វាន់កម្រិតទី២ ប្រចាំទ្វីបអាស៊ីនេះ ។កន្លងមកក្លិបបាល់ទាត់កម្ពុជាលេងបានត្រឹមវគ្គចែកពូលប៉ុណ្ណោះ។នេះជាការបើកទំព័រប្រវត្តិសាស្រ្តមួយរបស់ក្លិបជើងឯកលីគកម្ពុជា៕