អគ្គលេខាធិការវាយកូនបាល់កម្ពុជា ក្លាយជា ប្រឹក្សាភិបាលសហព័ន្ធ កីឡាវាយកូនបាល់អាស៊ីអណត្តិថ្មី

ភ្នំពេញ៖អគ្គលេខាធិការនៃសហព័ន្ធកីឡាវាយកូនបាល់កម្ពុជា លោក ទេព រិទ្ធីវិទ្ធបាន ក្លាយជាក្រុមប្រឹក្សាភិបាលសហព័ន្ធកីឡាវាយកូនបាល់អាស៊ីអណត្តិថ្មីឆ្នាំ២០២៤-២០២៧ ។
លោកសព្វថ្ងៃនេះលោកកំពុងបម្រើនៅក្នុងក្រុមប្រឹក្សាភិបាលសហព័ន្ធកីឡាវាយកូនបាល់អាស៊ី “ATF” អស់រយៈពេល ២ អាណត្តិហើយពេលនេះលោកនឹងត្រូវបន្តសម្រាប់អាណត្តិឆ្នាំ ២០២៤ – ២០២៧ខាងមុខនេះបន្ថែមទៀត។

ក្នុងចំណោមសមាជិកទាំង១៤រូបដែលជាប់ឆ្នោតជាសមាជិកក្រុមប្រឹក្សានេះក្នុងនោះលោក ទេព រិទ្ធីវិទ្ធ ទទួល បាន សំឡេងគាំទ្រច្រើនជាងគេទី២ រួមជាមួយបេក្ខជន២ រូបទៀតដោយមានសំឡេងសរុប៤៦។ចំពោះក្រុមប្រឹក្សាភិបាលកម្ពុជាគឺជាសមាគមជាតិមួយក្នុងចំណោមសមាគមជាតិចំនួន៣ ដែលមក ពីតំបន់ អាស៊ីអាគ្នេយ៍។

លទ្ធផលនៃការបោះឆ្នោតនៅឆ្នាំនេះYuriy Polskiyនៃសហព័ន្ធកីឡាវាយកូនបាល់កា
ហ្សាក់ ស្ថានត្រូវបានជ្រើសរើសថ្មីជាប្រធាន ATF ដែលគាត់ នឹងបម្រើការសម្រាប់រយៈពេល ៤ ឆ្នាំខាងមុខបន្ថែមទៀតក្នុងនាមជាប្រមុខរបស់សហព័ន្ធវាយកូនបាល់អាស៊ី៕