កម្លាំងនគរបាលខណ្ឌឫស្សីកែវ ឃាត់ខ្លួនជនសង្ស័យ ២នាក់ ដែលសកម្មដើរលួចទ្រព្យសម្បត្តិអ្នកស្រុកប្ញស្សីកែវកន្លងមក

ភ្នំពេញ ៖ ជនសង្ស័យ ២នាក់ ដែលសកម្មក្នុងការដើរលួចទ្រព្យសម្បត្តិអ្នកស្រុក ក្នុងមូលដ្ឋានខណ្ឌប្ញស្សីកែវ ត្រូវកម្លាំងល្បាត នៃអធិការដ្ឋានខណ្ឌប្ញស្សីកែវ ឃាត់ខ្លួនបាននៅថ្ងៃទី​២០ ខែធ្នូ ឆ្នាំ​២០២៣ វេលាម៉ោង​០០និង​ ៣០នាទី នៅចំណុច ផ្លូវ៩៣ក្រុមទី១១ ភូមិចុងខ្សាច់ សង្កាត់ទួលសង្កែទី១ ខណ្ឌឫស្សីកែវ​ ។

ជនសង្ស័យ​ ចំនួន០២នាក់ ៖
ទី១-ឈ្មោះ សក្ក័ វណ្ណា ភេទប្រុស អាយុ៣៧ឆ្នាំ ស្នាក់នៅផ្ទះជួល ផ្លូវបេតុង សង្កាត់ទួលសង្កែទី១ ខណ្ឌឫស្សីកែវ មុខរបរ មិនពិតប្រាកដ (មានសារធាតុញៀន)។
ទី២-ឈ្មោះ ច្រឹក ឆេងលាង ភេទប្រុស អាយុ២៩ឆ្នាំ ស្នាក់នៅ ផ្ទះលេខ០៣១ ផ្លូវលំ សង្កាត់ទួលសង្កែទី១ ខណ្ឌឫស្សីកែវ មុខរបរមិនពិតប្រាកដ (មានសារធាតុញៀន)។
* សំភារៈ​ដកហូតមាន ៖
១-ដែកសំប៉ែតចុងស្រូច ចំនួន​០២
២-ម៉ូតូចំនួន០១គ្រឿងម៉ាកឌូក ពាក់ស្លាលេខភ្នំពេញ1FE9851

សមត្ថកិច្ចបានបញ្ជាក់ថា នៅថ្ងៃកេីតហេតុវេលាម៉ោងខាងលេី​ កម្លាំងផ្នែកព្រហ្មទណ្ឌ នៃអធិការដ្ឋាននគរបាលខណ្ឌឫស្សីកែវ បានល្បាតក្នុងភូមិសាស្ត្រ ក៏ឃេីញជនសង្ស័យ ចំនួន០២នាក់ ជិះម៉ូតូ០១គ្រឿង នៅចំនុចផ្លូវ៩៣ ភូមិចុងខ្សាច់ សង្កាត់ទួលសង្កែទី១ សង្ស័យដើរលួចទ្រព្យសម្បត្តិប្រជាពលរដ្ឋ ភ្លាមនោះ សមត្ថកិច្ចមានការសង្ស័យ ចុះធ្វើការត្រួតពិនិត្យ រកឃើញដែកសំប៉ែតចុងស្រួច (សោអក្សរT) ឧបករណ៍ សម្រាប់ឆ្កឹះសោរ នៅក្នុងហោប៉ៅខោជនសង្ស័យ ឈ្មោះ សក្ក័ វណ្ណា ។ ឃើញដូចនេះសមត្ថកិច្ចក៏បានឃាត់ខ្លួនជនសង្ស័យខាងលើ រួមទាំងវត្ថុតាង មកអធិការដ្ឋាននគរបាលឫស្សីកែវតែម្តង។
ជនសង្ស័យ បាននិងកំពុងកសាងសំណុំរឿង ចាត់ការតាមនិតិវិធី ៕