បើកបវេសនកាលឆ្នាំសិក្សាថ្មី២០១៨ -២០១៩នៅសាលាបឋមសិក្សាក្ដីតាកុយ
ភ្នំពេញៈកាលពីព្រឹកថ្ងៃទី១ ខែវិច្ឆិកា ឆ្នាំ២០១៨ នេះនៅសាលាបឋមសិក្សាក្ដីតាកុយ បើកបវេសនកាល ឆ្នាំសិក្សាថ្មី២០១៨-២០១៩ ដោយមានការអញ្ជើញចូលរួម ពីសំណាក់លោកយឹម សុខុន ប្រធានការិយាល័យបរិស្ថាន ខណ្ឌច្បារអំពៅនិងលោកគ្រូ អ្នកគ្រូនៃសាលាបឋមសិក្សា ក្ដីតាកុយនិងអាណាព្យាបាលសិស្ស ព្រមទាំងក្មួយៗសិស្សានុសិស្សចូលរួមទាំងអស់ប្រមាណ៥០៤នាក់។
ក្នុងពិធីបើកបវេសនកាលឆ្នាំសិក្សាថ្មីនេះដែរគណៈអធិបតីក៏បានអានសារលិខិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា យ៉ាងក្បោះក្បាយជូនដល់ អង្គពិធីទាំងមូលបានស្ដាប់យល់ដឹងគ្រប់ៗគ្នា ព្រមទាំងមានមតិសំណេះសំណាល ជាមួយសិស្សានុសិស្ស និងផ្ដល់នូវអនុសាសន៍ និងដំបូន្មានល្អៗ ដល់សិស្សានុសិស្ស ឲ្យខិតខំប្រឹងប្រែងសិក្សារៀនសូត្រ ក្លាយខ្លួនជាសិស្សពូកែ សិស្សល្អ កូនល្អដែលជាទំពាំងស្នងឫស្សីនៃប្រទេសជាតិ ហើយត្រូវនាំគ្នាគោរពវិន័យសាលា និងខិតខំត្រងត្រាប់ស្ដាប់ការណែនាំពន្យល់ បង្ហាត់បង្រៀនពីសំណាក់លោកគ្រូ អ្នកគ្រូ ដើម្បីក្រេបយកចំណេះដឹងល្អៗ ព្រោះវិស័យអប់រំ គឺជាវិស័យអទិភាពដូចនេះស្នើដល់ក្មួយៗជាសិស្សានុសិស្សទាំងអស់ត្រូវខិតខំ សិក្សារៀនសូត្រដើម្បីជាទំពាំងស្នងឫស្សី និងជាសរសរទ្រូងនៃប្រទេសជាតិផងដែរ។
ឆ្លៀតក្នុងឱកាសនោះ លោកប្រធានការិយាល័យបរិស្ថានខណ្ឌក៏ បានស្នើរដល់ក្មួយៗ ជាសិស្សានុសិស្សត្រូវឆ្លើយថា ទេចំពោះគ្រឿងញៀន ពោលគឺការប្រើប្រាស់គ្រឿងញៀននាំ អោយខូចសុខភាពនិងខូចអនាគតផងដែរ៕
