ស្នងការនគរបាលខេត្តកំពត ដំឡើងស្លាកសញ្ញាកំណត់ល្បឿនធំៗ បានយកទៅចាប់នៅតាមគោលដៅដែលបានកំណត់ ដើម្បីឲ្យអ្នកបញ្ជាយានយន្តងាយមើលឃើញច្បាស់

កំពត ៖ លោកស្នងការនគរបាលខេត្តកំពត បានអះអាងថា ខេត្តកំពត កំពុងទទួលបានការសាទរចំពោះការអនុវត្តច្បាប់ចរាចរណ៍ផ្លូវគោក ដោយបានដំឡើងស្លាកសញ្ញាកំណត់ល្បឿន ចុះខេត្តផ្សេងទៀត ធ្វើបានដែរទេ កុំលាក់លៀមជាមួយប្រជាពលរដ្ឋ សូមធ្វើដោយចំហរ ធ្វើដោយគុណធម៌។

ស្នងការខេត្តកំពតបានឱ្យដឹងថា ល្មមមើលឃើញទេបាទ នៅថ្ងៃទី 18.02.24 ស្លាកសញ្ញាកំណត់ល្បឿន បានយកទៅចាប់នៅតាមគោលដៅដែលបានកំណត់ នៅពេលតម្លើងរួចខ្ញុំ និងប្រាប់អំពីគោលដៅតាំងបីស្លាក ដែលបានដំឡើងក្នុងភូមិសាស្ត្រនីមួយៗ ។

លោកស្នងការបានបញ្ជាក់ថា នៅពេលចុះបាញ់ល្បឿនប្រសិនបើមន្ត្រីចរាចរណ៍របស់ខ្ញុំណាម្នាក់ លបលួចបាញ់ល្បឿនពីក្នុងឡាន ពីក្នុងកម្ពតព្រៃ ខុសពីគោលការណ៍ណែនាំរបស់ខ្ញុំ សូមថតឲ្យបានខ្ញុំ និងអនុវត្តវិន័យកងកម្លាំងនគរបាលជាតិ ចំពោះបុគ្គលដែលប្រព្រឹត្តខុស ។

លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ដកំពត បានថ្លែងថា ដោយសារមានសំណូមពរក៏ដូចជាការផ្តល់មតិជាច្រើន ពីបងប្អូនប្រជាពលរដ្ឋទាំងអស់ពាក់ពន្ធ័ស្លាកសញ្ញាកំណត់ល្បឿនតូចមើលមិនឃើញ យើងខ្ញុំបានធ្វើស្លាកសញ្ញាកំណត់ល្បឿនដែលមានទំហំ 1,50m* 1,50m ចំនួនបីផ្ទាំងចាប់ពីព្រំប្រទល់នរាយណ៍ស្រុកឈូករហូតដល់ក្លោងទ្វារចូលក្រុងកំពតដែលមានចម្ងាយប្រហែល 50 គីឡូម៉ែត្រ ដើម្បីងាយស្រួលបងប្អូនមើលឃើញ នេះជាគំរូស្លាកសញ្ញាដែលយើងខ្ញុំរៀបចំ ហើយស្អែកនេះយើងខ្ញុំនិងរៀបចំយកទៅដំឡើង នៅតាមគោលដៅដែលយើងបានគ្រោងទុក។ ចំពោះការចុះបាញ់ល្បឿនក៏យើងខ្ញុំនៅបន្តប្រាប់បងប្អូនមុនមួយថ្ងៃដដែល សង្ឃឹមថាបងប្អូននិងចូលរួមគោរពច្បាប់ចរាចរណ៍ទាំងអស់គ្នា ដោយក្តីគោរពស្រលាញ់ចំពោះបងប្អូនជនរួមជាតិទាំងអស់ និងសូមធ្វើដំណើរទីជិតទីឆ្ងាយប្រកបដោយសុវត្ថិភាពខ្ពស់ ។

លោកឧត្តមសេនីយ៍ទោ បានបញ្ជាក់ថា ចំពោះការអនុវត្តច្បាប់ចរាចរណ៍ផ្លូវគោកនៅពេលបាញ់ល្បឿន នៅលើផ្លូវជាតិលេខបីក្នុងភូមិសាស្ត្រខេត្តកំពត កំលាំងចរាចរណ៍ នៃស្នងការនគរបាលខេត្តកំពត គឺអនុវត្តបែបនេះ បន្ទាប់ពីបងប្អូនបានឃើញស្លាកសញ្ញាកំណត់ល្បឿននេះ ចម្ងាយប្រហែល ៤០០ ម៉ែត្រនិងដល់កន្លែងបាញ់ល្បឿន សូមបងប្អូនជ្រាប ។ ការចូលរួមគោរពច្បាប់ចរាចរណ៏គឺដើម្បីខ្លួនយើង គ្រួសារយើងនិងសង្គមជាតិយើងដើម្បីឲ្យប្រទេសយើងកាន់តែមានសណ្តាប់ធ្នាប់ល្អប្រសើរឡើង និងដើម្បីកាត់បន្ថយនូវការបាត់បង់ជីវិតដោយសារគ្រោះថ្នាក់ចរាចរណ៍ផ្សេងៗ ៕