អភិបាលខណ្ឌទួលគោកដឹកនាំកម្លាំងចុះរៀបចំសណ្តាប់ធ្នាប់នៅលើផ្លូវខ្សែ ជាន់ផ្សារនាគមាស ខណៈអាជីវកររំលាភយ៉ាងអនាធិបតេយ្យ

ភ្នំពេញ ៖ អាជ្ញាធរខណកឌទួលគោកដឹកនាំលោកឯក ឃុនដឿនជាអភិបាលខណ្ឌខណ្ឌកាលពីរសៀលថ្ងៃទី៨ ខែវិច្ឆិកា ឆ្នាំ២០១៨ បានចុះរៀបចំសណ្តាប់ធ្នាប់នៅតាបបណ្តាផ្លូវជុំវិញផ្សារនាគមាសពិសេសផ្លូវលេខ៣៣៩និងផ្លូវលេខ២៣៤ ក្រោយពីក្រុមអាជីវកររំលោភយកធ្វើជាកន្លែងដាក់តាំង និងស្តុកទំនិញយ៉ាងអនាធិបតេយ្យ មិនអាចធ្វើចរាចរឆ្លងកាត់បាន។

    ផ្លូវទាំងពីរខ្សែរនេះ បើទោះបីកន្លងមកអាជ្ញាធរខណ្ឌខិតខំធ្វើការរៀបចំ និងពន្យល់ណែនាំដល់អាជីវករជាច្រើនលើកច្រើនសារយ៉ាងក៏ដោយ ក៏នៅតែដដែរ ប្រៀបបាននឹងការវែកចកអញ្ចឹងដែរ ពោលគឺពេលសមត្ថកិច្ចនិងអាជ្ញាធរចុះរៀបចំស្អាត បានបន្តិចទៅ តែនៅពេលអាជ្ញាធរដកកម្លាំងចេញ មកវិញដដែរ ។

   ទំនិញ ដែលភាគច្រើនលើសលប់ជាកសិផល បន្លែ ផ្លែឈើ ត្រូវបានក្រុមអាជីវករដាក់លក់ពេញលើទ្រូងផ្លូវតែម្តង។ជាងនេះទៀតនោះគឺរថយន្តធំៗដឹកទំនិញមកពីតាមបណ្តាខេត្តនិងប្រទេសវៀតណាមចូលមកចតលើកដាក់ទំនិញដោយមិនខ្វល់នឹងការប៉ះពាល់សណ្តាប់ធ្នាប់សាធារណៈឡើយ ពិសេសផ្លូូវម៉ៅសេទុងក៏ត្រូវបានរំលោភបំពាននៅពេលសមត្ថកិច្ចដកកម្លាំងចេញ។

   គួរបញ្ជាក់ថា នៅក្នុងកិច្ចប្រជុំគណៈបញ្ជាការឯកភាពខណ្ឌទួលគោកកាលពីថ្ងៃទី៧ ខែវិច្ឆិកាកន្លងមកនេះលោកឯក ឃុនដឿនបានដាស់តឿនអោយសមត្ថកិច្ចទាំងថ្នាក់ខណ្ឌ និងសង្កាត់ត្រូវយកចិត្តទុកដាក់គ្រប់ពេល ពីបញ្ហាសណ្តាប់ធ្នាប់ និងរថយន្តដឹកទំនិញនៅផ្សារនាគមាសនិងផ្សារដើមគដោយហាមដាច់ខាតមិនឱ្យមាននោះទេ ត្រូវចាប់ផាកពិន័យទៅតាមផ្លូវច្បាប់៕