បុរសចំណាស់ម្នាក់ ដើរជាន់មីនរងរបួសជើងស្តាំ នៅស្រុកសំឡូត

ខេត្តបាត់ដំបង ៖ នៅថ្ងៃទី៣០ ខែមីនា ឆ្នាំ២០២៤ មានឧប្បត្តិហេតុប្រជាពលរដ្ឋដើរជាន់មីន នៅភូមិភ្នំរៃ ឃុំតាតោក ស្រុកសំឡូត ខេត្តបាត់ដំបង បានបណ្តាលឱ្យប្រជាពលរដ្ឋ ឈ្មោះ ជី ឃាន ហៅតាសក់ស ភេទប្រុស អាយុ៦២ឆ្នាំ រងរបួសជើងស្តាំ។ បច្ចុប្បន្នជនរងគ្រោះត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តបាត់ដំបង។

អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់ សូមកុំចូលទៅតំបន់ណាដែលមិនដឹងប្រវត្តិច្បាស់លាស់ និងត្រូវសាកសួរអាជ្ញាធរមូលដ្ឋាន មុនចូលតំបន់នោះ និងសូមកុំប៉ះពាល់នៅពេលឃើញមីន និងគ្រាប់មិនទាន់ផ្ទុះ ហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីន ដែលនៅជិតទីនោះ ដើម្បីយកគ្រាប់ទាំងនោះ ទៅកំទេចចោល៕