ស្ត្រីវ័យចំណាស់ម្នាក់ បាក់ជើង ដោយសារគ្រោះថ្នាក់ចរាចររវាងរថយន្តនិងម៉ូតូ នៅឃុំអណ្តូងទឹក

កោះកុង ៖ មានករណីគ្រោះថ្នាក់ចរាចរ បង្កឡើងដោយរថយន្តសាំយ៉ុង ដឹកអ្នកដំណើរពីកោះកុង ទៅភ្នំពេញ បានបុកជាមួយនឹងម៉ូតូ វ៉េវ ១គ្រឿង ពណ៌ខ្មៅ គ្មានស្លាកលេខ ក្នុងទិសដៅផ្ទុយគ្នា បណ្តាលឲ្យរងរបួសមនុស្ស ១នាក់។

បើតាមស្នងការដ្ឋាននគរបាលខេត្តកោះកុង បានឲ្យដឹងថា នៅថ្ងៃទី ១១ ខែវិច្ឆិកា ២០១៨ វេលាម៉ោង ១១ព្រឹក លើផ្លូវ៤៨ ចន្លោះបង្គោល គីឡូម៉ែត្រ ៥២-៥៣ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ មានករណីគ្រោះថ្នាក់ចរាចរ បង្កឡើងដោយរថយន្តសាំយ៉ុង ដឹកអ្នកដំណើរពីកោះកុងទៅភ្នំពេញ បានបុកនឹងម៉ូតូ វ៉េវ ១គ្រឿង ពណ៌ខ្មៅ គ្មានស្លាកលេខ ក្នុងទិសដៅផ្ទុយគ្នា បណ្តាលឲ្យស្រ្តីម្នាក់រងរបួស ។

តាមការបញ្ជាក់របស់កម្លាំងសមត្ថកិច្ច គឺ ភាគីខាងរថយន្ត សាំយ៉ុង ពណ៌លឿង ពាក់ស្លាកលេខ 2A ៥៦៥៧ ពោធិ៍សាត់ បើកបរដោយឈ្មោះ សួន មុំ ភេទប្រុស អាយុ៣៨ឆ្នាំ ទីលំនៅភូមិស្ទឹង ឃុំប្រម៉ោយ ស្រុកវាលវែង ខេត្តពោធិ៍សាត់ និងអ្នករួមដំណើរលើរថយន្ត ១២នាក់ បានបុកនឹងម៉ូតូ វ៉េវ ១គ្រឿង ពណ៌ខ្មៅ គ្មានស្លាកលេខ បើកបរដោយឈ្មោះ លឹម ភឿន ភេទ ស្រីអាយុ ៥២ឆ្នាំ ទីលំនៅភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង រងរបួសបាក់ជើងឆ្វេង បាន បញ្ជូនទៅព្យាបាលនៅមន្ទីរពេទ្យរាជធានីភ្នំពេញ ។

គ្រោះថ្នាក់នេះ ដោយសារមូលហេតុ ការបើកបរខ្វះការប្រុងប្រយ័ត្ន ។
បច្ចុប្បន្ន រថយន្ត និងម៉ូតូ ត្រូវបានកម្លាំងជំនាំញយើង យកមករក្សាទុកនៅអធិការដ្ឋាន ដើម្បីរងចាំការដោះស្រាយ ៕