បិទការប្រកួតកីឡាទាញព្រ័ត្រជើងឯកថ្នាក់ជាតិ ទូទាំងប្រទេស និងពានរង្វាន់ Idol លើកទី១ ឆ្នាំ២០២៤

ព្រះសីហនុ៖សមាគមកីឡាទាញព្រ័ត្រ ខេត្តបាត់ដំបងដណ្តើមមេដាយច្រើនជាងគេនៃការប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិទូទាំងប្រទេស និងពានរង្វាន់ Idol លើកទី១ ឆ្នាំ២០២៤ នៅខេត្តព្រះសីហនុ ដើម្បីអបអរសាទរចំពោះ ល្បែងទាញព្រ័ត្រកម្ពុជាក្នុងបញ្ជីបេតិកភណ្ឌវប្បធម៌អរូបីរបស់មនុស្សជាតិ នៃអង្គការយូណេស្កូ នៅទីក្រុងវិនឌុក ប្រទេសណាមីប៊ី កាលពីថ្ងៃទី ២ ខែធ្នូ ឆ្នាំ២០១៥ កន្លងទៅ។

សមាគមកីឡាទាញព្រ័ត្រ ខេត្តបាត់ដំបងដណ្តើមមេដាយគ្រងតំណែងជើងឯក បន្ទាប់ពីដណ្តើមេដាយមាស ២ គ្រឿង និងមេដាយប្រាក់ ២ គ្រឿង សមាគមកីឡាទាញព្រ័ត្រ ខេត្តកំពតដណ្តើមមេដាយគ្រងតំណែងជើងឯករង ដណ្តើមេដាយមាស ២ គ្រឿង និងមេដាយសំរិទ្ធ ២ គ្រឿង និងសមាគមកីឡាទាញព្រ័ត្រ ខេត្តកំពង់ឆ្នាំងដណ្តើមមេដាយមាស ១ គ្រឿង មេដាយប្រាក់ ២ គ្រឿង និងមេដាយសំរិទ្ធ ១ គ្រឿង។

ចំណែកសមាគមកីឡាទាញព្រ័ត្រ កងទ័ពជើងទឹកដណ្តើមមេដាយមាស ១ គ្រឿង និងមេដាយប្រាក់ ១ គ្រឿង សមាគមកីឡាទាញព្រ័ត្រ ខេត្តព្រះសីហនុដណ្តើមមេដាយមាស ១ គ្រឿង សមាគមកីឡាទាញព្រ័ត្រ ខេត្តស្វាយរៀងដណ្តើមមេដាយសំរិទ្ធ ៣ គ្រឿង និងសមាគមកីឡាទាញព្រ័ត្រ ខេត្តកំពង់ស្ពឺដណ្តើមមេដាយសំរិទ្ធ ១ គ្រឿង។

លោក ចាប រតនា អគ្គលេខាធិកាសហព័ន្ធ និងជាអនុប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡាបាននិយាយថា ការប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិទូទាំងប្រទេស និងពានរង្វាន់ Idol លើកទី១ ឆ្នាំ២០២៤ មានរយៈពេល ៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែឧសភា ឆ្នាំ២០២៤ មានប្រតិភូ គ្រូបង្វឹក កីឡាករ កីឡាការិនីសរុបចំនួន ២១៧នាក់ លើ០៨វិញ្ញាសា មានក្រុមចូលរួមចំនួន១១ សមាគម រួមមាន ខេត្តកំពង់ចាម ខេត្តកែ ខេត្តកំពង់ឆ្នាំង ខេត្តកំព ក្រសួងមហាផ្ទ បញ្ជាការដ្ឋានកងទ័ពជើងទឹ ខេត្តកណ្តាល ខេត្តព្រះសីហនុ ខេត្តកំពង់ស្ពឺ ខេត្តស្វាយរៀ និងខេត្តបាត់ដំបង៕