ឃាត់ខ្លួនបុរសម្នាក់ ដែលផ្លោះរបងចូលកាត់ខ្សែភ្លើង

ភ្នំពេញ ៖ បុរសម្នាក់ ត្រូវបានឃាត់ខ្លួន បន្ទាប់ពីផ្លោះរបងចូលលួចកាត់ខ្សែភ្លើង នៅក្នុងឃ្លាំងសម្ភារៈមួយកន្លែង វេលាម៉ោង០០ និង១៥នាទីយប់ ចូលថ្ងៃទី១៨ ខែឧសភា ឆ្នាំ២០២៤ នៅចំណុចដីឡូត៍ ផ្លូវបេតុង ក្រុមទី១៣ ភូមិក្រោលគោ សង្កាត់គីឡូម៉ែត្រ៦ ខណ្ឌឫស្សីកែវ ។

សមត្ថក៨ច្ចឱ្យដឹងថា៖ជនរងគ្រោះឈ្មោះ ទី សារិទ្ធ ភេទប្រុស អាយុ៥០ឆ្នាំ មុខរបរសន្តិសុខ ស្នាក់នៅផ្ទះជួល ភូមិសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ជនសង្សយ័ឈ្មោះ ប៊ុន សុខឃុយ ភេទប្រុស អាយុ៣៧ឆ្នាំ មុរបរមិនពិតប្រាកដ ស្នាក់នៅបន្ទប់ជួល ភូមិក្រោលគោ សង្កាត់គីឡូម៉ែត្រ៦ ខណ្ឌឬស្សីកែវ រាជធានីភ្នំពេញ។

              សំភារៈដកហូតរួមមាន ៖ ខ្សែភ្លើងចំនួន០៣ដុំ

          ១-ម៉ាកSQ-MM ទំហំ២x២,៥ ពណ៍ស ប្រវែង១៥ម៉ែត្រ

          ២-ម៉ាកHIGH SHIELD ទំហំ៧៥ ពណ៍ខ្មៅ ប្រវែង១២ម៉ែត្រ

          ៣-ម៉ាកKEYSTONE ទំហំ២x៥ពណ៌ខ្មៅ ក្រហម លឿង ប្រវែង៥០ម៉ែត្រ (ជារបស់ជនរងគ្រោះ)

       – កន្ត្រៃចំនួន០១(ជារបស់ជនសង្សយ័)

បើតាមការសារភាពរបស់ជនសង្ស័យ ប្រាប់សមត្ថកិច្ចអោយដឹង គឺនៅថ្ងៃទី១៧ ខែឧសភា ឆ្នាំ២០២៤ វេលាម៉ោង២៣ និង៣០នាទី ជនស័ង្សយបានចេញពីផ្ទះ ដើររកធ្វើសកម្មភាពលួច លុះដល់វេលាម៉ោង០០ និង១៥នាទីថ្ងៃ១៨ ខែឧសភា ឆ្នាំ២០២៤ បានធ្វើសកម្មភាពផ្លោះរបងចូលដីឡូត៍របស់ជនរងគ្រោះ ដែលទុកសម្ភារៈគ្រឿងសំណង់ ហើយលួចកាត់ខ្សែភ្លើងខាងលើ ដោយជនរងគ្រោះដេកយាមនៅកន្លែងកើតហេតុ ឃើញ បានប្តឹងរាយការណ៍មកកំលាំងសមត្ថកិច្ចយើងចុះអន្តរាគមន៍ឃាត់ខ្លួនបានជនស័ង្សយ និងដកហូតបានវត្ថុតាងភ្លាមៗនៅកន្លែងកើតហេតុ។

        បច្ចុប្បន្នជនសង្សយ័ រួមទាំងវត្ថុតាង កំលាំជំនាញខណ្ឌ ប៉ុស្តិកំពុងកសាងសំណុំរឿងចាត់ការតាមនិតិវិធីច្បាប់ ៕