ទូកនាគបានចំណាត់ថ្នាក់លេខ៦ក្នុងចំណោម ៣២ក្រុម

ភ្នំពេញ៖ព្រឹត្តិការណ៍ប្រកួតកីឡាទូកនាគអន្តរជាតិ (2024 SJM Macao International Dragon Boat Races)នៅទីក្រុងម៉ាកាវសាធារណរដ្ឋប្រជាមានិតចិនក្រុមទូកនាគកម្ពុជាជាប់

ចំណាត់ថ្នាក់លេខ៦ ក្នុងវគ្គផ្តាច់ព្រ័ត្រ។

ព្រឹត្តិការណ៍កីឡាទូកអន្តរជាតិនេះ មានក្រុមចូលរួម ចំនួន៣២ក្រុម លើវិញ្ញាសា ៥០០ម៉ែត្រ ចំណុះ២២នាក់ ។ ចំពោះក្រុមដែលទទួលបានចំណាត់ថ្នាក់មេដាយ រួមមាន៖ លេខ១ មេដាយមាស ក្រុមកីឡាទូកនាគប្រទេសចិន, លេខ ២ មេដាយប្រាក់ ក្រុមកីឡាទូកនាគប្រទេសថៃ, លេខ ៣ មេដាយសំរឹទ្ធ ក្រុមកីឡាទូកនាគចិនម៉ាកាវ។

លោក គង់ សុភាព គ្រូជំនួយក្រុមជម្រើសជាតិកីឡាទូកកម្ពុជាបានគូសបញ្ជាក់ ថា ក្រុមជម្រើសជាតិកីឡាទូកនាគកម្ពុជាទទួលបានចំណាត់ថ្នាក់លេខ៦ដោយមិនទទួលបានមេដាយទេប៉ុន្តែទទួលបានពានរង្វាន់លើកទឹកចិត្តពីការរៀបចំដោយក្រុមកម្ពុជាបានឆ្លងចូលដល់

វគ្គផ្តាច់ព្រ័ត្រ។

គ្រូជំនួយរូបនេះបន្ថែមថាក្នុងការប្រកួតអន្តរជាតិនេះក្រុមទូកនាគកម្ពុជាបានឆ្លងកាត់ការប្រកួតតាំងពីវគ្គជម្រុះជាច្រើនប្រកួតនិងចូលដល់វគ្គពាក់កណ្តាលផ្តាច់ព្រ័ត្រនិងឆ្លងចូលដល់

វគ្គផ្តាច់ព្រ័ត្រ ដែលមាន៦ទូក ចូលរួមប្រជែងមេដាយ។

លោកបន្តថាក្រុមកម្ពុជាបានប្រឹងប្រែងអស់ពីសមត្ថភាពហើយនេះក៏ជាលទ្ធផលល្អ

មួយសម្រាប់ការខិតខំអស់ពីលទ្ធភាពរបស់ក្រុមកម្ពុជាដោយសារការចូលរួមនេះមានក្រុមជម្រើសជាតិខ្លាំងកម្រិតASIANGames។យ៉ាងណាតាមរយៈលទ្ធផលនេះក្រុមកីឡាទូកកម្ពុជានឹងបន្តការខិតខំបន្ថែមទៀត ដើម្បីសម្រួចការអភិវឌ្ឍត្រៀឆ្ពោះទៅចូលរួមការប្រកួតអន្តរជាតិនានា នាពេលខាងមុខ ជាពិសេសគោលដៅត្រៀមស៊ីហ្គេម លើកទី៣៣ នៅប្រទេសថៃ នាឆ្នាំ២០២៥ខាងមុខ៕