នារីស្រស់ស្អាតម្នាក់បេីករថយន្ត Range Rover បើកបុកម៉ូតូសេ១២៥មួយគ្រឿងបណ្ដាលឱ្យរងរបួស២នាក់
ភ្នំពេញ៖នារីស្រស់ស្អាតម្នាក់បេីករថយន្ត Range Rover ពាក់ស្លាកលេខភ្នំពេញ 2X-3355 បុកម៉ូតូ Dream c125 ពាក់ស្លាកលេខកំពង់ស្ពឺ 1U-6385 បណ្ដាលឲ្យរងរបួសធ្ងន់២នាក់ ហេតុការណ៍ស្ថិតនៅចំណុចស្តុបកាំកូសុី សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ វេលាម៉ោង១១៖៣០នាទីយប់ ថ្ងៃទី០៥ ខែកក្កដា ឆ្នាំ២០២៤។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញធ្វេីការវាស់វែងយករថយន្តនិងម៉ូតូទៅរក្សាទុកដេីម្បីរងចាំដោះស្រាយនៅពេលក្រោយ៕