ចាប់ឃាតករ២នាក់ ដែលធ្វើទារុណកម្មសម្លាប់ក្មេងស្រីរកស៊ីផ្លូវភេទ យ៉ាងព្រៃផ្សៃ នៅត្រឡោកបែក
ភ្នំពេញ៖ ជនសង្ស័យជាឃាតករ២នាក់ ត្រូវបានកម្លាំងនគរបាល ខណ្ឌសែនសុខ ស្រាវជ្រាវឃាត់ខ្លួន បន្ទាប់ពីធ្វើទារុណកម្ម នារីរកស៊ីផ្លូវភេទរហូតដល់ស្លាប់ ហើយយកសពទៅបោះចោល នៅឈានបដ្ឋានវត្តទឹកថ្លា កាលពីថ្ងៃទី១៥ ខែវិច្ឆិកា ឆ្នាំ២០១៨ កន្លងមក ហើយនៅរសៀលថ្ងៃទី២០ខែវិច្ឆិកានេះ អធិការនគរបាលខណ្ឌសែនសុខ ដឹកនាំដោយលោកវរសេនីយ៍ ហួរ ម៉េងវ៉ាង ធ្វើសន្និសីទបង្ហាញមុខឃាតករ ដែលសម្លាប់ក្មេងស្រីយ៉ាងព្រៃផ្សៃ នៅទំនប់ទួលគោក
តាមការត្រួតពិនិត្យរបស់សមត្ថកិច្ច សពនារីម្នាក់រងគ្រោះត្រូវបានគេវាយ និងធ្វើទារុណកម្ម បណ្តាលឱ្យរងរបួស និងជាំ ពេញខ្លួនរហូតដល់ស្លាប់។
ក្រោមការចង្អុលបង្ហាញ និងបញ្ជារផ្ទាល់ពី លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានដឹកនាំកម្លាំងចុះស្រាវជ្រាវ ឃាត់ខ្លួនជនសង្ស័យជាឃាតករប្រុសស្រី ២នាក់ បន្ទាប់ពីធ្វើទារុណកម្ម នារីរកស៊ីផ្លូវភេទរហូតដល់ស្លាប់ ហើយយកសពទៅបោះចោល នៅឈានបដ្ឋានវត្តទឹកថ្លាកាលពីថ្ងៃទី១៥ ខែវិច្ឆិកា ឆ្នាំ២០១៨ កន្លងមក ។
បច្ចុប្បន្នជនសង្ស័យ ជាឃាតករទាំង២ កំពុងត្រូវបានសមត្ថកិច្ច ឃាត់ខ្លួន បណ្តោះអាសន្ន និងកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការបន្ត ។
ហើយនៅម៉ោង១០ព្រឹក ថ្ងៃទី១៩ ខែវិច្ឆិកានេះ នគរបាលខណ្ឌសែនសុខ សហការជាមួយ នគរបាលបច្ចេកទេស និងនគរបាលខណ្ឌទួលគោក ក៏ធ្វើការឆែកឆេរផ្ទះម៉ាស្យាកោសជប់ខ្យល់ នៅតំបន់ត្រឡោកបែក តាមផ្លូវលេខ៥៩៨ ក្នុងសង្កាតទឹកល្អក់១ ខណ្ឌទួលគោក ដើម្បីរកវត្ថុតាង ។ ទោះបីជាយ៉ាងការឃាត់ខ្លួនជនសង្ស័យ ជាឃាតករនេះ នគរបាលនពុំបានផ្តល់ព័ត៌មានពីអត្តសញ្ញាណជនសង្ស័យឡើយ ដោយអះអាងថា ទុកស្រាវជ្រាវសិន ។ ចំណែកជនសង្ស័យក៏បានឆ្លើយសារភាពហើយ ។ ទោះបីជាយ៉ាងណា មេបនដែលជាមេក្លោងបានគេចខ្លួនបាត់ស្រមោល។
គួរបញ្ជាក់ថា នារីវ័យអាយុប្រមាណជាង២០ឆ្នាំ ជាជនជាតិវៀតណាមម្នាក់ ត្រូវជនមិនស្គាល់មុខដឹកតាមរ៉ឺម៉ក យកទៅទុកកំម្កល់នៅឈាបនដ្ឋានវត្តទឹកថ្លា កាលពីរំលងអធ្រាត្រចូលថ្ងៃទី១៥ វិច្ឆិកា បន្ទាប់ពីដឹកទៅវត្តហើយ បុរសម្នាក់ក៏ប្រាប់ថា ទៅហៅបងប្អូន រួចក៏គេចបាត់ រហូតដល់រសៀលថ្ងៃទី១៥ លោកតាអាចារ្យក៏រាយការណ៍ ប្រាប់នគរបាលជំនាញចុះទៅត្រួតពិនិត្យ ។
តាមព័ត៌មានឱ្យដឹងថា ដោយមានការស្រាវជ្រាវពីនគរបាលខណ្ឌសែនសុខ ក៏ឈានទៅឃាត់បានជនសង្ស័យ២នាក់ ប្រុសម្នាក់ ស្ត្រីម្នាក់កាលពីយប់ថ្ងៃទី១៨ វិច្ឆិកា ដោយសង្ស័យពាក់ព័ន្ធក្នុងការវាយធ្វើទារុណកម្មស្រីរូបនោះរហូតដល់ស្លាប់។ ហើយបុរសម្នាក់ដែលត្រូវឃាត់ខ្លួនត្រូវគេដឹងថា ជាជើងកាងផ្ទះបននៅតំបន់ត្រឡោកបែក៕
