ហួសចិត្តខ្លាំងណាស់ខ្លួនមានប្ដីនិងកូនបីនាក់ទៅហើយបែរជាអង្វរប្ដីសុំយកប្ដីមួយទៀត
ភ្នំពេញ ៖ ស្រ្តីម្នាក់មានប្តីនិងបង្កើតបានកូន៣នាក់ហើយតែហាក់មិនទាន់ស្កប់ចិត្តនៅឡើយបានសុំអង្វរប្តីជាច្រើនលើកច្រើនសារដើម្បីឲ្យប្ដីអនុញ្ញាតឲ្យខ្លួននាំប្រុសសាហាយមកដេករស់នៅក្នុងផ្ទះជាមួយគ្នាតែម្ដងដោយនាងអះអាងថានាងអាណិតប្រុសស្នេហ៍នោះពេកព្រោះគេថាគេបាក់ចិត្តស្រឡាញ់នាងខ្លាំងណាស់ថែមទាំងធ្លាប់បានគីៗលូជាមួយគ្នាពីរបីដងទៀតផង ឯការទំនាក់ទំនងនេះផ្ដើមចេញពីការលេងឆាតជាមួយគ្នាតាមហ្បេសប៊ុក។
អ្វីដែលឈានដលើការបែកធ្លាយនិងនាំគ្នាមកដោះស្រាយនៅប៉ុស្ដិ៍នគរបាលបែបនេះដោយសារតែពេលប្ដីយល់ព្រមឲ្យប្រុសសាហាយមកដេកស្នាក់នៅតូបមុខផ្ទះខ្លួនហើយនោះគាត់បានតាមទាន់ប្រពន្ធខ្លួនទៅដេកជាមួយគ្នាយ៉ាងច្បាស់ក្រឡែនទើបបុរសជាប្ដីទ្រាំមិនបានក៍ដាច់ចិត្តនឲប្ដឹងសមត្ថកិច្ចមកដោះស្រាយគ្នានៅប៉ុស្ដិ៍កាលពីវេលាម៉ោង២និង៣០នាទីរំលងអាធ្រាតុឈានចូលថ្ងៃទី២០ខែវិច្ឆិកាឆ្នាំ២០១៨ដែលស្ថិតនៅផ្ទះជួលភូមិដំណាក់ត្រយឹង សង្កាត់ចោមចៅទី២ខណ្ឌពោធិ៍សែនជ័យ ។
បុរសជាប្តី ឈ្មោះ នី សាវឿន ភេទប្រុសអាយុ៣៩ឆ្នាំមុខរបរកម្មកររោងចក្រ ស្នាក់នៅភូមិដំណាក់ត្រយឹង សង្កាត់ចោមចៅ២ខណ្ឌពោធិ៍សែនជ័យរាជធានីភ្នំពេញមានស្រុកកំណើតនៅ ភូមពីងពុងឃុំក្រាំងយ៉ូវ ស្រុកស្អាងខេត្តកណ្ដាល។ចំណែកឯស្រ្តីជាប្រពន្ធមានឈ្មោះ ទឹម សុណារ៉ាអាយុ៣៧ឆ្នាំមុខរបរ កម្មការិនីរោងចក្ររស់នៅភូមិ ជាមួយគ្នា មានស្រុកកំណើតនៅសង្កាត់បឹងកក់២ខណ្ឌទួលគោករាជធានីភ្នំពេញ។ដោយឡែកបុរសជាសាហាយឈ្មោះ ហ៊ាប គូក អាយុ ៣៤ឆ្នាំ មុខរបរ កម្មកររោងចក្រ ស្នាក់នៅភូមិកើតហេតុហេតុខាងលើមានស្រុកកំណើតនៅភូមិ អំពិលឃុំព្រះស្តេច ស្រុកព្រះស្តេចខេត្តព្រៃវែង។
តាមប្រភពព័ត៌មានពីបុរសជាប្តី បាននិយាយប្រាប់ថា គាត់ធ្លាប់មានប្រពន្ធ២លើកមកហើយដោយលើកដំបូងគាត់បានការត្រឹមត្រូវជាមួយប្រពន្ធដើម ដោយបានរស់នៅជាមួយគ្នាជាច្រើនឆ្នាំនាងនោះក៍រត់ចោលគាត់ទៅតាមប្រុសស្នេហ៍គេបាត់ទៅដោយពុំមានទំនាស់អ្វីបន្ដិចសោះឡើយ ។ លុះក្រោយមកក៍មានទំនាក់ទំនងស្នេហាជាមួយប្រពន្ធក្រោយនេះមិនបានរៀបការត្រឹមត្រូវទេប៉ុន្តែបានទំនាក់ទំនងស្រឡាញ់គ្នា បានប្រមាណ១៦ឆ្នាំហើយ និងមានកូន៣នាក់ទៀតផង ព្រមទាំងបានចុះអាតាសីវិលរួចទៅហើយដែរតែប្រពន្ធគាត់ម្នាក់នេះមិនដឹងគេគិតយ៉ាងម៉េចបែរជាហែកចោលបាត់ទៅ។
ប្រភពបន្ដថានៅមុនពេលកើតហេតុ ប្រមាណជាង២ខែ មុននេះនាងជាប្រពន្ធបាននិយាយរឿងប្រាប់ប្តី ថា រូបនាងបានមានទំនាក់ទំនងជាមួយបុរសខាងលើ តាម facebook បានសុំរស់នៅជាមួយគ្នា តែប្តីមិនព្រម លុះ ប្រពន្ធគាត់នៅតែ អង្វរករ ច្រើនលើកច្រើនសារពេក ហើយថែមទាំងប្រាប់ពីការទំនាក់ទំនងសុីជម្រៅជាមួយគ្នាបានពីរបីដងរួចមកហើយផងដែរ។ ពេលនោះប្រពន្ធរបស់គាត់ចេះតែអង្វរសុំរស់នៅ ជាទំនាក់ទំនងជាបងប្អូនធម្មតាទេ ដោយអោយមកដេកនៅខាងមុខផ្ទះ ព្រោះបុរសជាសាហាយនោះបាក់ចិត្តស្រលាញ់នាងខ្លាំងពេក។ ដោយនាងអង្វរករខ្លាំងពេករទើបប្តីយល់ព្រមអោយសាហាយនោះមករស់នៅជាមួយបាន២ថ្ងៃ២យប់ ។
ប្រភពបន្ដថារហូតមកដល់ថ្ងៃកើតហេតុស្រាប់តែ ប្រពន្ធរបស់គាត់មិនទៅដេកជាមួយ គាត់ទេបែរជាទៅដេក ជាមួយ សាហាយស្មន់ទៅវិញដោយឃើញច្បាស់នឹងភ្នែកពេកទ្រាំទប់កំហឹងមិនបានទើបគាត់តេប្តឹងសមត្ថកិច្ចអោយជួយ អន្តរាគមន៍ឃាត់ប្រពន្ធនិងសាហាយស្មន់យកទៅសាកសួរភ្លាមៗផងដែរ។
ប្រភពដដែលបានបន្តទៀតថា ទោះបីដឹងថាប្រពន្ធមានទំនាក់ទំនងជាមួយប្រុសផ្សេងក៏ដោយគាត់នៅតែចិត្តមិនដាច់អាណិតកូននៅសិក្សា ដំបូងឡើយថាទាមទារសំណងក្នុងមួយនាក់ ចំនួន៣ម៉ឺនដុល្លារ ដើម្បីសងជំងឺផ្លូវចិត្ត តែចុងក្រោយ គាត់ថានឹងដកពាក្យបណ្ដឹងវិញ គ្រាន់តែអោយបុរសជាសាហាយ បែកចេញពីគ្រួសាររបស់គាត់ ព្រមទាំងអោយប្រពន្ធរបស់គាត់ ធ្វើកិច្ចសន្យា នៅចំពោះមុខសមត្ថកិច្ចជួយដឹងឮឲ្យឈប់ទាក់ទងគ្នាទៀតទៅ ។
បើតាមអ្នកដឹងរឿងនេះបានលើកឡើងថាប្ដីប្រពន្ធ
គេមួយគូរនេះបើស្ដាប់ទៅដូចលេងឡុកឡអីចឹងបែរជាយករឿងបញ្ហាជីវិតគូស្រកមកលេងសើចដូចជាប្រពន្ធហ៊ានហែកសំបត្រអេតាសុីវិលចោលនិងហ៊ានសុំប្ដីយកប្រុសសាហាយមកដេកស្នាក់នៅជាមួយគ្នាធ្វើដូចកូនក្មេងមៀមដៃដូច្នេះដែរ គេមិនយល់ថាអារម្មណ៍ពួកគេគិតពីស្អីទេ បើទោះបីនៅប្រទេសអឺរ៉ុបក៍មិនដល់ថ្នាក់នឹងពេកដែរ ។
ក្រោយពេលកើតហេតុ សមតកថកិច្ចនគរបាលរដ្ឋបាលចោមចៅទី២ បានបញ្ចូល ស្រ្ដីជាប្រពន្ធនិងបនរុសសាហាយស្មន់ ទៅជំនាញផ្នែកព្រហ្មទណ្ឌខណ្ឌពោធិ៍សែនជ័យ ដើម្បីរង់ចាំភាគីជាប្តីដកពាក្យបណ្ដឹងវិញឬយ៉ាងណាតាមការគិតឃើញរបស់គេចុះ ៕
