រថយន្តទួរីសមួយគ្រឿង ឆេះខ្ទេច រកម្ចាស់មិនឃើញ

កោះកុង៖ ស្នងការដ្ឋាននគរបាលខេត្តកោះកុង បានឲ្យដឹងថា នៅព្រឹកថ្ងៃទី ២២ ខែវិច្ឆិកា ឆ្នាំ​២០១៨ កើតមានករណី ឆេះរថយន្តមួយគ្រឿង នៅចន្លោះគីឡូម៉ែត្រលេខ ១២៤-១២៥ ស្ថិតនៅក្នុងភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង ដោយពុំដឹងមូលហេតុ ហើយករណីនេះ កើតឡើងនៅវេលាម៉ោងប្រហែល ៥ ទៀបភ្លឺ ។

យោងតាមការត្រួតពិនិត្យ របស់កម្លាំងជំនាញ បានឲ្យដឹងថា រថយន្តទួរីសមួយគ្រឿង ប្រភេទរថយន្តឈ្នួល ពណ៌ខៀវ ពាក់ស្លាកលេខ ភ្នំពេញ 2AQ 7220 បានឆេះស្ទើរតែទាំងស្រុង ឃើញតែសំ្បករថយន្តទទេ និងនៅក្នុងរថយន្ត ពុំឃើញស្លាកស្នាមអី្វទេ ធ្វើឲ្យកម្លាំងជំនាញ មានការពិបាកក្នុងការកំណត់រកអត្តសញ្ញាណម្ចាស់រថយន្ត ។
បច្ចុប្បន្ន ករណីនេះ កម្លាំងនគរបាល កំពុងធ្វើការស្រាវជ្រាវរកមា្ចស់រថយន្ត៕