វិទ្យុជាតិវៀតណាមVOV មានផ្សាយជាភាសាខ្មែរ

វៀតណាម៖ វិទ្យុជាតិវៀតណាម VOV មានកម្មវិធីចាក់ផ្សាយជាភាសាខ្មែរ ក្នុងមួយថ្ងៃ ៣០នាទី តាមរលកធាតុអាកាស FM និង AM ក្នុងគោលបំណង ដើម្បី ឲ្យប្រជាជនកម្ពុជា ដែលកំពុងរស់នៅប្រទេសវៀតណាម និងប្រជាជនវៀតណាម ដែលកំពុងរស់នៅប្រទេសកម្ពុជា បានជ្រាបច្បាស់នូវគោលនយោបាយរបស់ខ្លួន និងបានស្តាប់ អំពីព្រឹត្ដិការណ៍ព័ត៌មានសំខាន់ នៅប្រទេសវៀតណាម ទូលំទូលាយ ទាំងព័ត៌មានជាតិនិងអន្តរជាតិ។ ពិសេស ចង់ផ្សព្វផ្សាយនូវវប្បធម៌ ដែលជាអត្តសញ្ញាណជាតិរបស់ខ្លួន ឲ្យពិភពលោកបានស្គាល់បានច្រើន។

លោក វូ ហៃ អគ្គនាយករង វិទ្យុជាតិវៀតណាម បានបញ្ជាក់ប្រាប់ គណៈប្រតិភូកម្ពុជា ក្នុងពេលទស្សនៈកិច្ចនៅ ស្នាក់ការវិទ្យុជាតិវៀតណាមVOV កាលពីព្រឹកថ្ងៃទី ២២ វិច្ឆិកា នៅទីក្រុងហាណូយ ប្រទេសវៀតណាមថា បច្ចុប្បន្ន វិទ្យុជាតិ VOV វៀតណាម មានកម្មវិធិចាក់ផ្សាយជាភាសា ចំនួន ១២ ភាសា នៅលើភិភលលោក ក្នុងនោះក៍មានផ្សាយជាភាសាខ្មែរផងដែរ។ លោក អគ្គនាយករង វីអូវីបន្តថា កម្មវិធីចាក់ផ្សាយជាភាសាខ្មែរនេះ គឺផ្សាយតាមរលកធាតុអាកាស AM និងFM ដែលមានរយៈពេលក្នុងមួយថ្ងៃចំនួន៣០នាទី ក្នុងគោលបំណង ដើម្បី  ឧទេសនាម ទឹកដី មនុស្ស វប្បធម៌ ទំនៀមទំលាប់ ប្រពៃណីយ៍ នៃប្រទេសវៀតណាម និង ដើម្បី រឹតចំណង មេត្រីភាព ចំពោះប្រទេស នៅក្នុងតំបន់ អាស៊ីអាគ្នេយ៍ ក៍ដូចនៅលើពិភពលោកបានដឹង។ ពិសេស ចង់ឲ្យប្រជាជនកម្ពុជា កំពុងរស់នៅប្រទេសវៀតណាម និងប្រជាជនវៀតណាម កំពុងរស់នៅប្រទេសកម្ពុជា បានយល់អំពី ច្បាប់ទំលាប់ឫគោលនយោបាយរបស់វៀយណាម និងបានស្តាប់ អំពីព្រឹត្ដិការណ៍ព័ត៌មានសំខាន់ នៅប្រទេសវៀតណាម បានទូលំទូលាយ ទាំងព័ត៌មានជាតិ និងអន្តរជាតិ។

លោក វូ ហៃ បានបន្តថា ក្រៅពីកម្មវិធីចាក់ផ្សាយជាភាសាខ្មែរ VOV មានស្នាក់ការ នៅលើភិភពលោកចំនួន១១ផងដែរ នឹងនៅពេលខាងមុខនេះ ត្រៀមបង្កើតស្ថានីយ៍ នៅប្រទេសឥណ្ឌូនេស៊ី និងបន្តដាក់ស្នាក់ការនៅប្រទេស អូស្ត្រាលីបន្ថែមទៀត ពិសេស ប្រទេសនៅក្នុងតំបន់ ។ លោក អគ្កនាយករងបានបញ្ជាក់ថា វិទ្យុជាតិVOV វៀតណាម សន្យាថានឹងបន្តជួយផ្តល់ម៉ាស៊ីនផ្សាយសម្លេង សម្ភារៈនិងបណ្តុះបណ្តាលអ្នកបច្ចេកទេសដល់ក្រសួងព័ត៍មាន ក៍ដូចវិទ្យុជាតិកម្ពុជា ដែលកិច្ចការងារនេះ លោក កំពុងជំរុញទៅរដ្ឋាភិបាល។

លោក អ៊ុក គឹមសេង អនុរដ្ឋលេខាធិការក្រសួងព័ត៍មាន តំណាងឯកឧត្តម ខៀវ កាញ្ញារីទ្ធ រដ្ឋមន្ត្រីក្រសួងព័ត៍ និងជាតំណាងប្រតិភូកម្ពុជា បានថ្លែងអំណរគុណដល់ក្រសួងព័ត៍មាន និងវិទ្យុជាតិVOVវៀតណាម ដែលបាន ផ្តល់ឱកាស ឲ្យគណៈប្រតិភូកម្ពុជាបានស្វែងយល់ អំពីព័ត៍មាន វប្បធម៍ ប្រពៃណី និងសង្គម ក្នុងការអញ្ចើញ គណៈប្រតិភូកម្ពុជាបានមកបំពេញទស្សនៈ កិច្ចនេះ។

សូមបញ្ជាក់ថា៖ វិទ្យុជាតិវៀតណាម បានបាប់ផ្តើមចេញផ្សាយនៅឆ្នាំ១៩៤៥ និងមានកម្មវិធីចាក់ផ្សាយជាភាសាខ្មែរនៅឆ្នាំ១៩៧៥ ។ រហូតមកដល់ពេលនេះ វិទ្យុជាតិ VOV វៀតណាម មានបុគ្គលិកសរុបចំនួន៣១០០នាក់ ទាំងនៅក្នុងស្រុក និងនៅក្រៅប្រទេស។ 22/11 /18  អត្ថបទ អ៊ួង សាវុធ