រដ្ឋបាលខេត្តឧត្តមានជ័យ ណែនាំឱ្យផ្អាកបណ្ដោះអាសន្ននូវអាជីវកម្មថតចម្លងឯកសារ អ៉ីនធើណិត និងអាជីវកម្មពាក់ព័ន្ធផ្សេងទៀត ជុំវិញមណ្ឌលប្រឡង ដើម្បីរួមចំណែកឱ្យការប្រឡងបាក់ឌុបមានសណ្ដាប់ធ្នាប់ តម្លាភាព និងសុវត្ថិភាព

ឧត្តរមានជ័យ៖ដើម្បីចូលរួមក្នុងការរៀបចំប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា២០២៣-២០២៤ សម័យប្រឡង៖ ០៨ តុលា ២០២៤ រដ្ឋបាលខេត្តឧត្តមានជ័យបានណែនាំឱ្យផ្អាកបណ្ដោះអាសន្ននូវអាជីវកម្មថតចម្លងឯកសារ អ៉ីនធើណិត អាជីវកម្មលក់សម្ភារសិក្សាគ្រប់ប្រភេទ ព្រមទាំងភោជនីយដ្ឋាន អាហារដ្ឋាន ការដ្ឋានសំណង់ និងអាជីវកម្មពាក់ព័ន្ធផ្សេងទៀត ជុំវិញមណ្ឌលប្រឡង ដើម្បីរួមចំណែកឱ្យការប្រឡងបាក់ឌុបប្រព្រឹត្តទៅដោយសណ្ដាប់ធ្នាប់ តម្លាភាព និងសុវត្ថិភាព៕