សន្និសីទថ្នាក់រដ្ឋមន្ដ្រី ស្ដីពីជំងីទឹកនោមផ្អែម រយៈពេល២ថ្ងៃ នៅប្រទេសសិង្ហបុរី

ភ្នំពេញ៖ លោកសាស្ដ្រាចារ្យ ម៉ម ប៊ុនហេង រដ្ឋមន្ដ្រីក្រសួងសុខាភិបាល​ នឹងដឹកនាំប្រតិភូក្រសួងសុខាភិបាល ​អញ្ជើញទៅចូលរួមក្នុងសន្និសីទថ្នាក់រដ្ឋមន្ដ្រី ស្ដីពីជំងីទឹកនោមផ្អែម ដែលរៀបចំឡើងចាប់ពីថ្ងៃទី២៦ ដល់ថ្ងៃទី២៧ ខែវិច្ឆិកា ឆ្នាំ២០១៨ នៅប្រទេសសិង្ហបុរី។

បើតាមសេចក្ដីជូនព័ត៌មានក្រសួងសុខាភិបាល​ ៖ សន្និសីទថ្នាក់រដ្ឋមន្ដ្រី ស្ដីពីជំងីទឹកនោមផ្អែមនេះ មានគោលបំណងដើម្បីពិភាក្សា ចែករំលែកបទពិសោធន៍ និងកំណត់យុទ្ធសាស្ដ្រដែលមាន ប្រសិទ្ធភាពខ្ពស់ក្នុងការការពារ និងគ្រប់គ្រងជំងឺមិនឆ្លង ជាពិសេសជំងឺទឹកនោមផ្អែម ឆ្លើយតបទៅនឹងសេចក្ដីអំពាវនាវរបស់ អង្គការសុខភាពពិភពលោកដែលបានរកឃើញថា ៧០% នែមូលហេតុការស្លាប់ និងពិការភាពរបស់ប្រជាជនទូទាំងពិភពលោកបណ្ដាលមកពីជំងឺមិនឆ្លង។ លើសពីនេះទៅទៀត សន្និសីទថ្នាក់រដ្ឋមន្ដ្រីនេះ នឹងជំរុញកិច្ចសហប្រតិបត្តិការតាមរយៈ ការពង្រឹងសមត្ថភាព មន្ដ្រីសុខភិបាលមិនត្រឹមតែក្នុងតំបន់ប៉ុណ្ណោះទេ តែនៅទូទាំងពិភពលោក ក្នុងការកាត់បន្ថយអត្រាជំងឺទឹកនោមផ្អែម៕