វិភាគ៖ ពិធីបុណ្យអុំទូក បញ្ចប់ដោយជោគជ័យ ពលរដ្ឋជិត ៥លាននាក់ សាទរសប្បាយរីករាយ!

ភ្នំពេញ៖ ៣ថ្ងៃនៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ចាប់ពីថ្ងៃទី២១-២៣ ខែវិច្ឆិកា ឆ្នាំ២០១៨ មានប្រជាពលរដ្ឋជិត ៥លាននាក់ បានមកចូលរួមអបអរសាទរ និងចូលរួមដើរកម្សាន្ត សប្បាយរីករាយ ប្រកបដោយភាពកក់ក្ដៅ និងសុខដុមរមនាយ៉ាងពន្លឹក។ ដែលនេះបញ្ជាក់ឱ្យយើងឃើញយ៉ាងច្បាស់ថា ការដឹកនាំរបស់រាជរដ្ឋាភិបាលកម្ពុជា កំពុងដើរលើត្រឹមត្រូវ យ៉ាងពិតប្រាកដ។ ពិធីបុណ្យរយះពេល៣ថ្ងៃកន្លងមកក្រោមបរិយាកាស ស្និតស្នាល កក់ក្តៅ និងសោមនស្សរីករាយក្រៃលែង។ ដោយសារថ្នាក់ដឹកនាំកំពូលជាតិ ស្រុះស្រួលគ្នាស្រឡាញគ្នា ជាវាសនាល្អ នៃពលរដ្ឋកម្ពុជានាពេលនេះ។

ក្នុងនោះមន្ត្រីរដ្ឋបាលរាជធានីបានលើកឡើងថា៖ ការមកទស្សានាច្រើននេះបង្ហាញឱ្យឃើញថា ប្រជាពលរដ្ឋមានជំនឿលើសន្តិភាព មានសេចក្តីកក់ក្ដៅក្នុងចិត្ត មានជីវភាពធូរធារ ទើបបងប្អូនមានលទ្ធភាពចូលរួមទទួលយកនូវភាពសប្បាយយ៉ាងច្រើនសន្ធឹកសន្ធាប់។
ក្នុងបរិបទដែលកម្ពុជាកំពុងមានសន្តិភាពនិងសន្តិសុខល្អនោះនៅប្រទេសមួយចំនួនលើពិភពលោកកំពុងជួបបញ្ហាអសន្តិសុខ សង្គ្រាមរ៉ាំរ៉ៃ ភេវកម្ម ៕