បើកបុករបាំងថ្មចែកទ្រូងផ្លូវនៅចំការមនក្រឡាប់ផ្ងាជើងទល់មេឃ
ភ្នំពេញៈរថយន្តកូរ៉ូឡាបើកជ្រុលចង្កូតទៅបុកទ្រូងផ្លូវពេញទំហឹង បណ្ដាលឲ្យក្រឡាប់រថយន្តផ្ងាជើងទល់មេឃកាលពីជាងម៉ោង២ រំលងអាធ្រាត្រ ឈានចូលថ្ងៃទី២៦ ខែវិច្ឆិកា ឆ្នាំ២០១៨ នៅតាមបណ្ដោយមហាវិថីម៉ៅសេទុង កែងផ្លូវលេខ១៩៣ ស្ថិតក្នុងសង្កាត់ទូលស្វាយព្រៃ១ ខណ្ឌចំការមន ។
ម្ចាស់រថយន្តបាននិយាយថា មុនពេលកើតហេតុ រូបគេព្រមជាមួយនឹងម្ដាយ បានបើករថយន្តដឹកស្លឹកម្កាក់ ពីចំពូក្អែក សង្កាត់ព្រែកថ្មីមកផ្សារដើមគរដើម្បីលក់ ដោយធ្វើដំណើរតាមបណ្ដោយមហាវិថីម៉ៅសេទុង ទិសដៅពីត្បូងទៅជើងក្នុងល្បឿនលឿនល្មម ខណះមកដល់ចំណុចកើតហេតុ ដោយសាររថយន្តគាត់បែកកង់ ហើយដូរកង់ស្រគួររាងចាស់ពេក ព្រមទាំងមេឃភ្លៀងផង ក៏រអិលបណ្ដាលឲ្យរេចង្កូតជ្រុលទៅបុកថបាំងថ្មពុះចែកទ្រូងផ្លូវពេញទំហឹងតែម្ដង បណ្ដាលឲ្យរថយន្តក្រឡាប់ផ្ងាជើងទ្រមេឃយ៉ាងច្រង៉ាង តែសំណាងល្អមិនបណ្ដាលឲ្យមានអ្នករងរបួសធ្ងន់ធ្ងរ ។
ក្រោយកើតហេតុ ម្ចាស់រថយន្តបង្កសមត្ថកិច្ចជំនាញចរាចរណ៍ចុះទៅធ្វើការវាស់វែងយករថយន្តទៅរក្សាទុក នៅការិយាល័យចរាចរណ៍ជើងគោក នៃស្នងការនគរបាលរាជធានីភ្នំពេញ ដើម្បីរង់ចាំដោះស្រាយគ្នាផងដែរ៕