អគ្គីភ័យឃ្លាំងស្តុកសម្ភារសែននិងគ្រឿងជ័របណ្តាលអោយរង់ការខូចសម្ភារនិងឃ្លាំងទាំងស្រុងតែម្តងនៅខណ្ឌច្បារអំពៅ

ភ្នំពេញ៖អគ្គីភ័យឆាបឆេះសន្ធោរដន្ធៅឃ្លាំងស្តុកសម្ភារសែននិងគ្រឿងជ័រនៅសង្កាត់ច្បារអំពៅទី១ខណ្ឌច្បារអំពៅនៅរសៀលថ្ងៃទី២៩ខែវិច្ឆិកាឆ្នាំ២០២៤នេះ។

ភ្លាមៗលោក ចេង មុនីរ៉ា អភិបាលខណ្ឌបានសហការជាមួយកម្លាំងការិយាល័យបង្កា និងពន្លត់អគ្គិភ័យនៃស្នងការរាជធានីភ្នំពេញ ចុះអន្តរាគមន៍បាញ់ពន្លត់ និងកម្លាំងសមត្ថកិច្ចអាជ្ញាធរខណ្ឌច្បារអំពៅសហការគ្នាជាមួយខាងរថយន្តពន្លត់អគ្គីភ័យបាញ់ទឹកពន្លត់ផងដែរ។

អគ្គិភ័យខាងលើឆាបឆេះឃ្លាំងស្តុកសម្ភារសែននិងគ្រឿងជ័របណ្តាលអោយរង់ការខូចសម្ភារនិងឃ្លាំងទាំងស្រុងតែម្តង ដោយហេតុការណ៍កើតកាលពីវេលាម៉ោង ៣និង៣០នាទីរសៀលថ្ងៃទី ២៩ ខែវិច្ឆិកា ឆ្នាំ២០២៤ ស្ថិតនៅផ្លូវ៣៩៣ សង្កាត់ច្បារអំពៅទី១ ខណ្ឌច្បារអំពៅ ។

ចាប់ពីពេលនេះទៅសូមបងប្អូនប្រជាពលរដ្ឋប្រុងប្រយ័ត្នបញ្ហាភ្លើងផ្សែងព្រោះខណៈនេះជារដូវរំហើយត្រជាក់ធ្លាក់ខ្យល់កុំធ្វេសប្រហែស៕