សម្ពោធដាក់ឲ្យដំណើរការប្រព័ន្ធផ្ទេរប្រាក់តាម​ Wingនៅប្រទេសកូរ៉េ បង្កភាពងាយស្រួលដល់បងប្អូនពលរដ្ឋខ្មែរនៅកូរ៉េ ក្នុងការផ្ញើរប្រាក់មកកម្ពុជា

   នេះបើតាមការបង្ហាញអោយដឹងតាមរយៈប្រព័ន្ធសង្គមហ្វេសបុករបស់លោកឡុង ឌីម៉ង់ ឯកអគ្គរាជទូតកម្ពុជាប្រចាំនៅប្រទេសកូរ៉េ ។ ក្នុងប្រព័ន្ធសង្គមហ្វេសបុករបស់លោកឡុង ឌីម៉ង់ មានន័យដើមថា «រីករាយដែលបានធ្វើជាសាក្សីក្នុងពិធីសម្ពោធដាក់ឲ្យដំណើរការប្រព័ន្ធផ្ទេរប្រាក់តាម​ Wing សហការជាមួយដៃគូរធនាគារកូរ៉េ Shinhan Bank ដែលនេះជាសក្ខីកម្មមួយនៃទំនាក់ទំនងសហប្រតិបត្តិការរវាងវិស័យឯកជននៃប្រទេសយើងទាំង២។ មិនតែប៉ុណ្ណោះ សេវាកម្មនេះនឹងផ្តល់នូវប្រយោជន៏ជាច្រើនដល់បងប្អូនពលរដ្ឋខ្មែរនៅកូរ៉េ ក្នុងការផ្ញើរប្រាក់ទៅកម្ពុជាដោយសុវត្ថិភាព រហ័ស និងសុវត្ថិភាព ជាមួយនឹងតម្លៃទាបសមរម្យ។

បន្ថែមពីការផ្តល់សេវាពន្យាលិខិតឆ្លងដែនជូនបងប្អូនយើងនាឱកាសនោះ ខ្ញុំក៏បានដើរតួនាទីមួយទៀតជាអ្នកអប់រំផ្លូវចិត្តជូនបងប្អូនដើម្បីធ្វើខ្លួនឲ្យមានតម្លៃសម្រាប់ខ្លួនឯង ដើម្បីគ្រួសារ ដើម្បីសង្គម និងប្រទេសជាតិ»៕