កាយសម្ព័ន្ធអាអេរ៉ូប៊ិកខេត្តកំពង់ឆ្នាំដណ្ដើមបានមេដាយលើសគេ

​ភ្នំពេញ៖ការប្រកួតកីឡាកាយសម្ព័ន្ធជើងឯកជាតិនិង ដណ្ដើមពានរង្វាន់លោកថោង ខុនលើកទី២ពេលនេះ លើប្រភេទកីឡាកាយសម្ព័ន្ធអាអេរ៉ូប៊ិក(Gymnastic Aerobic)ខេតតកំពង់ឆ្នាំងកំពុងតែដណ្ដើមបានមេដាយច្រើនជាង គេ ។

​ការប្រកួតបានចាប់ផ្ដើមពីថ្ងៃទី២៤ដល់២៩វិច្ឆិកាហើយមកទល់ពេលនេះ កាយសម្ព័ន្ធអាអេរ៉ូប៊ិកបានបញ្ចប់ជាស្ថាពរហើយ ។លោកណយ ផាណាអគ្គលេខាធិការសហព័ន្ធកីឡាកាយសម្ព័ន្ធកម្ពុជា បានបញ្ជាក់ឲ្យដឹងថាប្រភេទកីឡាកាយសម្ព័ន្ធអាអេរ៉ូប៊ិក មាន៥វិញ្ញាសា គឺអាអេរ៉ូប៊ិកឯកត្តជនបុរស-នារីអាអេរ៉ូប៊ិកគូចម្រុះបុរសនារី(Mix Pair)អាអេរ៉ូប៊ិកទ្រីយ៉ូ(Trio)បុរស-នារី និងអាអេរ៉ូប៊ិកក្រុម៥នាក់ ។

ខេត្តកំពង់ឆ្នាំងដណ្តើមបានមេដាយច្រើនជាងគេចំនួន៥គ្រឿង ក្នុងនោះមេដាយមាស២គ្រឿងមេដាយប្រាក់២គ្រឿង និងមេដាយសំរិទ្ធ១គ្រឿង និងក្រសួងមហាផ្ទៃដណ្តើមមេដាយ៤គ្រឿង ក្នុងនោះមេដាយមាស២គ្រឿង និងមេដាយប្រាក់២គ្រឿង ។ខេត្តក្រចេះដណ្តើម៥គ្រឿង ក្នុងនោះមេដាយប្រាក់១គ្រឿង និងមេដាយសំរិទ្ធ៤គ្រឿង និងខេត្តតាកែវដណ្តើមបានមេដាយមេដាយប្រាក់១គ្រឿង ។

​សម្រាប់ពេលនេះកាយសម្ព័ន្ធអាកទីស្ទីក(Gymnastic Artistic)កំពុតចាប់ផ្ដើមប្រកួត ។ សម្រាប់កាយសម្ព័ន្ធអាកទីស្ទីក មានតែបុរសប៉ុណ្ណោះ គឺនៅមិនទាន់មាននារីនៅឡើយទេ ។