រដ្ឋមន្ត្រីការបរទេសទួកគី និយាយថា ប្រព័ន្ធ S-400 ដែលទិញពីប្រទេសរុស្ស៊ី មានប្រសិទ្ធភាពខ្ពស់ជាង ប្រព័ន្ធការពារអាកាស Patriot របស់ អាមេរិក

យោងតាមរដ្ឋមន្ត្រីការបរទេសទួកគី Mevlut Cavusoglu ថាប្រព័ន្ធ S-400 ដែលបានទិញពីប្រទេសរុស្ស៊ី គឺមានប្រសិទ្ធភាពខ្ពស់ជាង ប្រព័ន្ធការពារអាកាស Patriot ដែលត្រូវបានកសាងឡើង ដោយសហរដ្ឋអាមេរិក ហើយនេះគឺជាមូលហេតុ ដែលប្រទេសទួកគី បានជ្រើសរើស យកប្រព័ន្ធការពារអាកាសរបស់រុស្ស៊ី។

ទូរទស្សន៍ទួកគីបានពន្យល់ថា អស់រយៈពេលជាងមួយទសវត្សរ៍ប្រទេសទួកគី ប៉ុនប៉ងទិញប្រព័ន្ធការពារដែនអាកាស រួមទាំងប្រព័ន្ធមីស៊ីល MIM-104 Patriot ពីសហរដ្ឋអាមេរិក ប៉ុន្តែប្រព័ន្ធមីស៊ីល ដែលមានឈ្មោះថា “មិនដំណើរការ” នៅពេលធ្វើតេស្ត ។

ដោយសារតែប៉ាទ្រីយ៉ូត បានបរាជ័យ ក្នុងការបំពេញតាមតម្រូវ ការការពារដែនអាកាសរបស់ទួកគី កងទ័ពតួកគី បានបន្តស្វែងរកជម្រើស នៅក្នុងប្រទេសផ្សេងទៀត។

លោក Cavusoglu បានអះអាងថា នៅពេលដែលប្រទេសទួកគី បានរៀបចំកិច្ចសន្យា ជាមួយរុស្ស៊ី សម្រាប់ការទិញ S-400 តម្រូវការកងទ័ព របស់ប្រព័ន្ធការពារផ្លូវអាកាស ដ៏ទំនើប ដែលមានប្រសិទ្ធភាពខ្ពស់ គឺមានភាពបន្ទាន់បំផុត។

“កិច្ចព្រមព្រៀង S-400 នេះត្រូវបានធ្វើ”, Cavusoglu បានបញ្ជាក់សាជាថ្មី។ “ប្រទេសរុស្ស៊ី បានផ្តល់ឱ្យយើងនូវកិច្ចព្រមព្រៀង ដ៏ល្អបំផុត ហើយឥឡូវនេះ វាគឺជាកិច្ចព្រមព្រៀងដែលបានធ្វើរួចហើយ នាពេលអនាគត សូមមើល តើអ្នកណានឹងធ្វើសំណើរដ៏ល្អបំផុត” ។

យោងតាមប្រភពយោធាទួកគី នឹងទទួលបានកាំជ្រួច S-400 ចំនួន 4 គ្រឿង (បច្ចេកទេសបាញ់មីស៊ីលចំនួន 32 គ្រាប់ដែលមានមីស៊ីល ត្រៀមបម្រុង ចំនួនបួនគ្រាប់) ពីប្រទេសរុស្ស៊ី ដែលមានតម្លៃ 2,5 ពាន់លានដុល្លារ៕