សម្តេចបវរធិបតី ផ្ញើសារលិខិតជូន នាយឧត្តមសេនីយ៍ជាន់ខ្ពស់ មីន អោងឡាំង ចូលរួមរំលែកទុក្ខចំពោះសោកនាដកម្ម ដែលបណ្តាលមកពីគ្រោះរញ្ជួយដី នៅមីយ៉ាន់ម៉ា

ភ្នំពេញ៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៩ ខែមីនា ឆ្នាំ២០២៥នេះ បានផ្ញើសារលិខិតជូន នាយឧត្តមសេនីយ៍ជាន់ខ្ពស់ មីន អោងឡាំង ប្រធានក្រុមប្រឹក្សារដ្ឋបាលរដ្ឋ សាធារណរដ្ឋនៃសហភាពមីយ៉ាន់ម៉ា ដោយចូលរួមរំលែកទុក្ខចំពោះ សោកនាដកម្មគ្រោះធម្មជាតិរញ្ជួយដីដែលបានបំផ្លិចបំផ្លាញហេដ្ឋារចនាសម្ព័ន្ធ ក៏ដូចជាការបាត់បង់អាយុជីវិត និងការរងរបួសមនុស្ស នៅតំបន់ម៉ាន់ដាឡេ សាធារណរដ្ឋនៃសហភាពមីយ៉ាន់ម៉ា កាលពីថ្ងៃទី២៨ ខែមីនា ឆ្នាំ២០២៥៕