សម្តេចមហាបវរធិបតី ហ៊ុន ម៉ាណែត អញ្ជើញសម្តែងការគួរសម និងរំលែកមរណទុក្ខជាមួយនាយករដ្ឋមន្ត្រីឡាវ

វៀងចន្ទ, ឡាវ៖នៅរសៀលថ្ងៃសៅរ៍ ទី៥ ខែមេសា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជួបសម្តែងការគួរសម និងរំលែកមរណទុក្ខ ជាមួយ លោក បណ្ឌិត សនសៃ ស៊ីផាន់ដន (Sonexay Siphandone) នាយករដ្ឋមន្ត្រីឡាវ ។
សូមបញ្ជាក់ថា នៅព្រឹកមិញនេះ សម្តេចមហាបវរធិបតី ហ៊ុន ម៉ាណែត បានអញ្ជើញទៅប្រទេសឡាវ ដើម្បីគោរពវិញ្ញាណក្ខន្ធសពនាយឧត្តម សេនីយ៍ ខាំតៃ ស៊ីផាន់ដន (Khamtay Siphandone) អតីតប្រធានរដ្ឋ ឡាវ ដែលជាឪពុកបង្កើតរបស់លោកបណ្ឌិត សនសៃ ស៊ីផាន់ដន (Sonexay Siphandone) នាយករដ្ឋមន្ត្រីឡាវ។
ក្នុងដំណើរទៅកាន់ប្រទេសឡាវនេះ ក្រៅតែពីការអញ្ជើញគោរពវិញ្ញាណក្ខន្ធហើយនោះ សម្តេចនាយករដ្ឋមន្ត្រី ក៏បានចូលជួបសម្តែងការគួរសម និងរំលែកមរណទុក្ខជាមួយលោក ថងលូន ស៊ីសូលីត ប្រមុខរដ្ឋឡាវនាពេលបច្ចុប្បន្នផងដែរ៕