ប្រធានរដ្ឋឡាវ វត្តមានរបស់សម្តេចមហាបវរធិបតីនាពេលនេះ បង្ហាញឱ្យឃេីញនូវទំនាក់ទំនង ជាប្រពៃណី មិត្តភាព សាមគ្គីភាព និង ភាពជា ដៃគូ យុទ្ធសាស្ត្រ គ្រប់ ជ្រុងជ្រោយ និង យូរអង្វែង រវាង ប្រទេសទាំងពីរ

ភ្នំពេញ៖លោក ថងលូន ស៊ីសូលីត ប្រធានរដ្ឋឡាវ បានចាត់ទុកដំណើរ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ចូលរួម គោរព វិញ្ញាណក្ខន្ធសពនាយក ឧត្តម សេនីយ៍ ខាំតៃ ស៊ីផាន់ដន អតីត ប្រធានរដ្ឋឡាវ បានបង្ហាញឱ្យឃើញនូវចំណងទំនាក់ទំនង និងមិត្តភាពដ៏ជ្រាលជ្រៅ រវាងកម្ពុជា-ឡាវ។
ប្រធានរដ្ឋឡាវ បានលើកឡើងបែបនេះ ក្នុងជំនួបជាមួយសម្តេច មហាបវរ ធិប តី ហ៊ុន ម៉ាណែត នារសៀលថ្ងៃសៅរ៍ ទី៥ ខែមេសា ឆ្នាំ២០២៥នេះ ក្នុងពេលសម្តេចអញ្ជើញទៅចូលរួមគោរពវិញ្ញាណក្ខន្ធនាយឧត្តមសេនីយ៍ ខាំតៃ ស៊ីផាន់ដន។
ក្នុងជំនួបនោះ លោក ថងលុន ស៊ីសូលីត អគ្គលេខាធិការបក្ស ប្រជាជន បដិ វត្តន៍ ឡាវ និង ជាប្រធាន រដ្ឋឡាវ បាន ស្វាគមន៍ យ៉ាងកក់ក្តៅ និង ថ្លែង អំណរ គុណ យ៉ាង ជ្រាលជ្រៅ ចំពោះ សម្តេច មហាបវរ ធិបតី ដែលបាន ដឹក នាំ គណៈប្រតិភូ ជាន់ខ្ពស់ កម្ពុជា ចូលរួម ដាក់កម្រងផ្កា និងគោរព វិញ្ញាណក្ខន្ធ សពនាយក ឧត្តម សេនីយ៍ ខាំតៃ ស៊ីផាន់ដន ។
លោក ប្រធាន រដ្ឋឡាវ បាន ថ្លែង អំណរ ព្រះ រាជករុណាទិ គុណថ្វាយ ព្រះករុណា ព្រះ បាទ សម្តេចព្រះបរមនាថ នរោត្តម សីហមុនី ព្រះ មហាក្សត្រ នៃ ព្រះ រាជាណាចក្រ កម្ពុជា និង អរគុណ សម្ដេច តេជោ ហ៊ុន សែន ប្រធាន ព្រឹទ្ធសភា ដែលបាន ផ្ញើ ព្រះ រាជសារ និង លិខិត ចូលរួម រំលែកមរណទុក្ខ ជាមួយ បក្ស រដ្ឋាភិ បា ល និង ប្រជាជន ឡាវ ចំពោះ មរណភាព របស់នាយឧត្តម សេ នីយ៍ ខាំតៃ ស៊ីផាន់ដន។
លោក ប្រធាន រដ្ឋ បានវាយតម្លៃ ខ្ពស់ ចំពោះ វត្តមានរបស់សម្តេច មហាបវរ ធិប តី និង គណៈប្រតិភូ ជាន់ខ្ពស់ កម្ពុជា ក្នុង ឱកាសដ៏ក្រៀមក្រំ នេះ។ សម្រាប់ ប្រធាន រដ្ឋឡាវ វត្តមានរបស់សម្តេចមហាបវរធិបតីនាពេលនេះ បង្ហាញ ឱ្យ ឃេីញ នូវ ទំនាក់ទំនង ជាប្រពៃណី មិត្ត ភាព សាមគ្គីភាព និង ភាពជា ដៃគូ យុទ្ធសាស្ត្រ គ្រប់ ជ្រុងជ្រោយ និង យូរអង្វែង រវាង ប្រទេសទាំងពីរ ។
លោក ប្រធាន រដ្ឋ ឡាវ បាន បញ្ជាក់ ថា មរណភាព របស់ នាយឧត្តមសេនីយ៍ ខាំតៃ ស៊ីផាន់ដន ជាការ បាត់ បង់នូវ វីរបុរសជាតិ ដែល មាន ស្នាដៃ ជា ច្រើន ចំពោះជាតិ មាតុភូមិ និង ប្រជាជនឡាវ តាំ ង ពី ការចាប់ផ្តេីមរំដោះប្រទេស, ការកសាង និង ការអភិវឌ្ឍ ប្រទេស រហូតមកដល់បច្ចុប្បន្ន ព្រម ទាំង ជា ឥស្សរ ជន មួយរូប ដែល ចូលរួម ចំណែក ក្នុង ការ ពូនជ្រុំ ទំនាក់ទំនង និង កិច្ច សហ ប្រតិ បត្តិការ ដ៏ល្អ រវាង ឡាវ និងកម្ពុជា។
ជាការឆ្លើយតប សម្តេចមហា បវរ ធិបតី ហ៊ុន ម៉ាណែត បានថ្លែង អំណរគុណ ប្រធាន រដ្ឋឡាវ ដែលបាន ទទួល ស្វាគមន៍ សម្តេច និង គណៈប្រតិភូ ជាន់ខ្ពស់ កម្ពុជា ក្នុង ឱកាស ចូលរួម គោរព វិញ្ញាណក្ខន្ធសពនាយឧត្តមសេនីយ៍ ខាំតែ ស៊ីផាន់ដន។
សម្តេច មហាបវរ ធិបតី បាន ថ្លែង ថា ក្នុង នាម រាជរដ្ឋាភិបាល និងប្រជា ជន កម្ពុជា សម្តេចសូម ចូលរួម រំលែកមរណ ទុក្ខ ដ៏ ក្រៀមក្រំ បំផុត ជាមួយ រដ្ឋា ភិ បាល និង ប្រជាជន ឡាវ ចំពោះការបាត់ បង់ វីរបុរស និង ឥស្សរជនដ៏ ឆ្នេីម ដែល បាន តស៊ូ និង លះ បង់ ពេញមួយជីវិត ក្នុងការ រំដោះ កសាង និងអភិវឌ្ឍ ជាតិ សម្រាប់ប្រទេស និង ប្រជាជន ឡាវ។
សម្តេច មហាបវរ ធិបតី ក៏បាន គូស រំលេច ពី ទំនាក់ទំនង និង កិច្ច សហប្រតិបត្តិ ការ ដ៏យូរអង្វែងកម្ពុជា-ឡាវ ដែលមិនត្រឹម តែមាន ទំនាក់ទំនង ក្នុង ការងារ ប៉ុណ្ណោះ ទេ ថែមទាំងមានទំនាក់ ទំនង ក្នុង មនោសញ្ចេតនាជាបង ជាប្អូន និង ជាក្រុមគ្រួសារ។
ក្នុងឱកាសនោះប្រធានរដ្ឋ ឡាវ និងសម្តេច មហាបវរ ធិបតី ក៏បានគូសបញ្ជាក់ សាជាថ្មីថា នឹង បន្តជំរុញ ការពង្រឹង និង ពង្រីក ទំនាក់ទំនង និង កិច្ច សហប្រតិ បត្តិការ លេីគ្រប់វិស័យកម្ពុជា-ឡាវ ឱ្យកាន់តែរឹងមាំ និង រីកចម្រេីនបន្ថែម ទៀត ៕