ស្រះបុរាណនៅឧដុង្គ ត្រូវគេលួចចាក់ដីធ្វើជាកម្មសិទ្ធិផ្ទាល់ខ្លួន ប៉ុន្តែអ្នកចាក់ដីថា មានប័ណ្ណកម្មសិទ្ធិត្រឹមត្រូវ
ខេត្តកំពង់ស្ពឺ៖ ស្រះទឹកបូរាណមួយកន្លែងនិងដីជុំវិញនោះ ត្រូវបានដាក់បញ្ចូលទៅជាតំបន់ការពារសម្បត្តិបេតិកភណ្ឌជាតិ ដែលសព្វថ្ងៃគ្រប់គ្រងដោយអាជ្ញាធរអប្សរា និងក្រសួងវប្បធម៌និងវិចិត្រសិល្បៈ ស្ថិតក្នុងភូមិស្រះកែវ ឃុំវាំងចាស់ ស្រុកឧដុង្គ ខេត្តកំពងុស្ពឺ កំពុងរការរំលោភធ្វើរបងព័ន្ធយក និងលួចចាក់ដីរំលោភយក ។
អាជ្ញាធរមូលដ្ឋាន បានបញ្ជាក់ថា អ្នកដែលរំលោភយក គឺឈ្មោះ គង គឹមហេង ជាប្តី និងប្រពន្ធឈ្មោះគាង សេងស៊ូហ្គិច រស់នៅខេត្តកំពង់ចាម។ ស្រះទន្ទឹមនិងស្រះតាមោគ ដែលក្រសួងវប្បធម៌និងវិចិត្រសិល្បៈ ដាក់ជាតំបន់ការពារសម្បត្តិបេតិកភណ្ឌវប្បធម៌ជាតិត្រូវបានគេចាក់ដីចូល យកធ្វើកម្មសិទ្ធិ។
ពួកគេបានចាក់ដីហួសបង្គោលឡាក់ ដែលក្រសួងវប្បធម៌និងវិចិត្រសិល្បៈ បានដាក់ដាំសម្រាប់សម្គាល់ព្រំប្រទល់ តំបន់ការពារសម្បត្តិបេតិកភ័ណ្ឌវប្បធម៌ជាតិ។ស្រះទឹកនៅតំបន់ខាងលើ ជាស្រះមានតាំងពីបូរាណ មិនមែនទើបតែកាយនោះទេ សូមបងប្អូនបញ្ឈប់ចាក់ដីចូលស្រះទាំងអស់នោះទៀត។
ប្រភពពីប្រជាពលរដ្ឋ រស់នៅផ្សារឧដុង្គ បានប្រាប់ឲ្យដឹងថា ដីស្រះទឹកបុរាណ គឺកន្លងទៅមានការឃុបឃិតគ្នាចាក់ដី និងធ្វើបងរំលោកភយកធ្វើជាកម្មសិទ្ធផ្ទាល់ ប៉ុន្តែអាជ្ញាធរពាក់ព័ន្ធហាក់បីដូចជាខ្វាយខ្វល់ក្នុងការទប់ស្កាត់នោះទេ ។ ប្រភពបន្តទៀតថា កាលពីមុខនេះត្រូវបានលក់ដូរក្នុងតម្លៃថោកៗ មានអ្នកខ្លះក៏ហានទិញ អ្នកខ្លះទៀតមិនហានទិញព្រោះដឹងថាដីនេះ ស្ថិតក្នុងតំបន់អភិរក្សវប្បធម៌ និងវិចិត្រសិល្បះ ។
ប្រភពបន្តទៀតថា បច្ចុប្បន្នពួកគាត់ឃើញមានការជីករបងព័ន្ធរបងលួស និងថ្មខ្លះ ជាពិសេសចាក់ដីលប់លើបង្គោលរបស់ក្រសួងវប្បធម៌ ដើម្បីកំណត់តំបន់ការពារសម្បត្តិបេតិកភណ្ឌវប្បធម៌ជាតិ និងចាក់ដីលប់ផ្លូវទឹកក្នុងតំបន់ការពារនេះផងដែរ ប៉ុន្តែមិនមានការហាមឃាត់នោះទេ ។
លោក ស៊ុន មាន ជ័យ ប្រធានមន្ទីរវប្បធម៌និងវិចិត្រសិល្បៈខេត្តកំពង់ស្ពឺ បានឲ្យដឹងថា អ្នកដែលចាក់ដីចូលស្រះទន្ទឹមនិងស្រះតាមោគយកធ្វើកម្មសិទ្ធិនោះមានឈ្មោះ គង គឹមហេង និងប្រពន្ធឈ្មោះគាង សេងស៊ូហ្គិច ។ អ្នកទាំង២រស់នៅខេត្តកំពង់ចាម។ បច្ចុប្បន្នការចាក់ដីចូលស្រះទន្ទឹមនិងស្រះតាមោគ លោកបានឲ្យមន្ត្រីជំនាញចុះទៅផ្អាជាបណ្តោះអាសន្ន។ បើតាមសម្តីឈ្មោះគាង សេងស៊ូហ្គិច បាននិយាយថា ដីដែលគាត់ចាក់នេះ មានប័ណ្ណសម្គាល់សិទ្ធិកាន់កាប់អចលនវត្ថុ លេខកស០០៣០៧១ចុះថ្ងៃទី២ ខែឧសភា ឆ្នាំ២០១៦ ពីប្រធានមន្ទីររៀបចំដែនដីនគរូបនីយកម្មនិងសំណង់ ចុះហត្ថលេខាដោយលោកតាប់ម៉ាឡៃ ដូច្នេះហើយទើបគាត់ចាក់ដីតែតាមប័ណ្ណសម្គាល់សិទ្ធតែប៉ុណ្ណោះ។
លោក ឈឺន សាវ៉ាត ប្រធានក្រុមប្រឹក្សាឃុំវាំងចាស់ បានប្រាប់ឲ្យដឹងថា ដីក្នុងតំបន់ការពារសម្បត្តិបេតិកភណ្ឌវប្បធម៌នោះ ពិតមានការធ្វើរបងព័ទ្ធលើមែនតាំងពីមុខបោះឆ្នោតមកម្លេះ ហើយលោកបានទៅឃាត់ និងសួរនាំប្រជាពលរដ្ឋដែលធ្វើរបងព័ទ្ធប៉ះពាល់លើដីរបស់រដ្ឋនេះ ដោយធ្វើកិច្ចសន្យារួចរាល់ហើយ ។ លោកបន្តទៀតថា ប្រជាពលរដ្ឋដែលធ្វើរបងលើដីអអភិរក្សរបស់ក្រសួងវប្បធម៌នេះ គាត់បានដឹងថាជាដីរបស់រដ្ឋដែល ប៉ុន្តែដោយសារគាត់បានដាំដំណាំដូចជា ចេក ល្ហុង ស្វាយ ជាដើម ។ ការធ្វើរបងព័ទ្ធលើដីដីបេតិកភណ្ឌវប្បធម៌នេះ គឺគ្រាន់តែជីកបង្គោល និងព័ទ្ធបន្លាលួសប៉ុណ្ណោះ មិនសង់អំពីថ្ម ឬធ្វើសំណង់អ្វីរឹងមាំឡើយ ហើយគាត់បានធ្វើកិច្ចសន្យា ជាមួយអាជ្ញាធរឃុំមិនយកដីនេះទេ សុំតែអាស្រ័យផលដំណាំដែលគាត់បានដាំនេះ៕
