អ្នកប្រដាល់ជើងចាស់បារាំងមួយរូបប្រកាសជួយបង្វឹកផ្នែកកម្លាំងដល់អ្នកប្រដាល់កម្ពុជា

ភ្នំពេញ:អតីតៈអ្នកប្រដាល់ជានជាតិបារាំងមួយរូបបានបង្ហាញខ្លួននាល្ងាចថ្ងៃទី៣ធ្នូ នៅមជ្ឈមណ្ឌលហ្វឹកហាត់ប្រដាល់ជម្រើសជាតិកម្ពុជាក្នុងបរិវេណពហុកីឡដ្ឋានជាតិអូឡាំពិក ។

​លោកប៊ូ ជុំសេរីអនុរដ្ឋលេខាធិការក្រសួងអប់រំយុវជន និង កីឡាជាអ្នកនាំឲ្យអ្នកប្រដាល់បារាំងរូបនេះមក
មើលការហ្វឹកហាត់របស់ក្រុមជម្រើសជាតិថ្នាលរបស់កម្ពុជា ។លោកGeorges Tizon បានប្រកាសខ្លួនឯងថាលោក
គ្រាន់តែជាអ្នកប្រដាល់ជើងចាស់មួយរូបប៉ុណ្ណោះ ។

​សូមបញ្ជាក់ថាកីឡាជម្រើសជាតិប្រដាល់បើជាឈុតជម្រើសជាតិបង្ហាត់ដោយលោកវ៉ែន សុផល ដែលអម
ដោយគ្រូបង្វឹកជនជាតិគុយបាគឺលោកRolando ។ទោះជាយ៉ាងណាក៏លោកប៊ូ ជុំសេរីបានបញ្ជាក់ប្រាប់រស្មីកម្ពុជាថា
លោក Georges Tizon គាត់មានចេតនាជួយដល់ប្រដាល់កម្ពុជាពេលនេះដោយសារគាត់ស្រឡាញ់កម្ពុជាហើយគាត់
មានចេតនាជួយដល់ប្រដាល់កម្ពុជាគឺគាត់ជួយផ្នែកហ្វឹកហាត់កម្លាំងគាត់មិនប៉ះពាល់ដល់ផ្នែកបច្ចេកទេឡើយ ។

​លោក Georges Tizon បានបញ្ជាក់ដែរថាការហ្វឹកហាត់កម្លាំងលោកអាចជួយបានទាំប្រដាល់សាកល ទាំង
ប្រដាល់គុនខ្មែរក្រៅពីហ្វឹកហាត់កម្លាំងលោកមិនអាចធ្វើអ្វីបានទេ ។

​លោកម៉ិល កាដូអគ្គលេខាធិការសហព័ន្ធប្រដាល់គុនខ្មែរ និង ជាងនុប្រធានសហព័ន្ធប្រដាល់សាកលកម្ពុជា
បានបញ្ជាក់ថាលោកនឹងយកបញ្ហាទាំងអស់នេះទៅពិភាក្សាជាមួយប្រធានសហព័ន្ធប្រដាល់ទាំង ២ តែលោកបានចាត់
ទុកថានេះជាដំណឹងល្អមួយ ។