ចាប់បានជនបរទេស ដែលរវើរវាយ ចូលសម្រាកមន្ទីរពេទ្យរុស្ស៊ី មានផ្ទុកសារធាតុញៀន

ភ្នំពេញ៖ ការិយាល័យស៊ើបអង្កេត និងអនុវត្តនីតិវិធី នៃ ស្នងការដ្ឋាននគរបាលរាជធានីភ្នំពេញ បានឲ្យដឹងថា នៅថ្ងៃអង្គារ ទី៤ ខែធ្នូ ឆ្នាំ២០១៨ វេលាម៉ោង១៣ ការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ បានទទួលជនបរទេស ចំនួន២នាក់។

ជនបរទេសទាំង២នាក់ មាន២សញ្ជាតិ៖ ១-ឈ្មោះ ESUA TOMASZSANKARA ភេទប្រុស អាយុ៣៤ឆ្នាំ ជនជាតិនីហ្សេរីយ៉ា ពីកម្លាំងនគរបាលប៉ុស្តិ៍ទំនប់ទឹក ខណ្ឌចំការមន រាជធានីភ្នំពេញ ពីបទ រវើរវាយ ចូលសម្រាកមន្ទីរពេទ្យរុស្ស៊ី និងគ្មានលិខិតឆ្លងដែនជាប់និងខ្លួន។ បន្ទាប់មកកម្លាំងការិយាល័យបានធ្វើការសាកសួរ ឃើញថាជននេះចូលមក ប្រទេសកម្ពុជា នៅថ្ងៃទី១១.០៩.២០១៤ តាមព្រលានយន្តហោះអន្តរជាតិភ្នំពេញ។ តាមការសាកសួរ បានឲ្យដឹងថា លិខិតឆ្លងដែនរបស់គេបានផុតទិដ្ឋារស្នាក់នៅ (នៅថ្ងៃទី៨.១.២០១៦) រយៈកាលស្នាក់នៅប្រទេសកម្ពុជា គ្មានការងារធ្វើ និងទីកន្លែងស្នាក់នៅមិនពិតប្រាកដ។

សមត្ថកិច្ចបានឲ្យដឹងថា មានសេចក្ដីរាយការណ៍តាមរ យៈសន្តិសុខក្នុងមន្ទីរពេទ្យរុស្ស៊ីថា មានបុរសជនបរទេស៣នាក់ បានស្រែកឡូឡាក្នុងពេទ្យដោយ ហាមមិនស្ដាប់ហើយ សង្ស័យប្រើប្រាស់ថ្នាំញៀនផង ក្រោយមកទទួលបាន ក៏នាំកម្លាំងប្រញ្ញាប់ចុះទៅ ត្រួតពិនិត្យហើយពេលទៅ ដល់មន្ទីរពេទ្យបានឃើញបុរស ជនបរទេសស្បែកខ្មៅចំនួន៣នាក់ ហើយក៏បាននាំខ្លួនយក ទៅស្នាក់ការនគរបាលប៉ុស្តិ៍ ដើម្បីសាកសួរនាំពីមូលហេតុ និងសុំត្រួតពិនិត្យលិខិតឆ្លងដែន និងឯកសារផ្សេងៗ ដែលពាក់ព័ន្ធរស់នៅ និងប្រកបការងារនៅប្រទេសកម្ពុជា ។

សមត្ថកិច្ចបន្តថាក្រោយពីសាកសួរនាំបុរសជនបរទេស ជាជនជាតិនីហ្សេរីយ៉ា ហើយ២នាក់មានឯកសារត្រឹមត្រូវ ហើយម្នាក់ទៀតគ្មានទេរួច សមត្ថកិច្ចឃាត់បុរសឈ្មោះ ថូម៉ាស់ សាន់ការ៉ា អេសួរ (TOMASZ Sankara Esua) ជនជាតិនីហ្សេរីយ៉ា ភេទប្រុស អាយុ ២៥ឆ្នាំ មុខរបរគ្រូកីឡា បច្ចុប្បន្នស្នាក់នៅមិនពិតប្រាកដ ហើយតាមសំបុត្រពេទ្យបុរសនេះ ចូលសំរាកព្យាបាលក្នុងមន្ទីរពេទ្យរស្ស៊ីនិង បានបូមឈាមពិនិត្យធ្វើតេស្តមានសារធាតុញៀន ហើយបុរសដែលឃាត់នេះ បានបញ្ជូនទៅការិយាល័យជនបរទេស ដែលមានស្នាក់ការក្នុងខណ្ឌដូនពេញ ដើម្បីចាត់ការបន្តតាមនីតវិធីច្បាប់ ។ សមត្ថកិច្ចបញ្ជាក់ថាការប្រើប្រាស់ថ្នាំញៀនមែនឬ មិនមែនក៏ដោយសំខាន់ សមត្ថកិច្ចឃាត់ខ្លួន ដោយគ្មានឯកសារនិងលិខិតឆ្លងដែន ហួសកំណត់តាំងពីឆ្នាំ២០១៦មកម្ល៉ះ នៅជាប់ខ្លួនរងចាំឲ្យការិយាល័យ ជនអន្តោប្រវេសន៍យកទៅសាកសួរបន្តចុះ ។

២-ឈ្មោះ BOWEN DAVIDWAINEAN THONY ភេទប្រុស អាយុ៤១ឆ្នាំ ជនជាតិអាមេរិក ពីកម្លាំងនគរបាលប៉ុស្តិ៍ផ្សារថ្មី៣ ខណ្ឌដូនពេញ រាជធានីភ្នំពេញ ពីបទ គ្មានលិខិតឆ្លងដែនជាប់និងខ្លួន និងមានសតិមិនប្រក្រតី។ បន្ទាប់មកកម្លាំងការិយាល័យបានធ្វើការសាកសួរ ឃើញថាជននេះចូលមក ប្រទេសកម្ពុជា នៅថ្ងៃទី១៨.១១.២០១៦ តាមព្រលានយន្តហោះអន្តរជាតិភ្នំពេញ។ ស្នាក់នៅបន្ទប់ D1 ជាន់ទី៥ ផ្ទះលេខ៤២ ផ្លូវ លេខ៦៣ សង្កាត់ផ្សារថ្មី៣ ខណ្ឌដូពេញ រយៈកាលស្នាក់នៅប្រទេសកម្ពុជា គ្មានការងារធ្វើ គ្មានលិខិតឆ្លងដែនជាប់នឹងខ្លួន និងមានសតិមិនប្រក្រតី។
ត្រូវបានឃាត់ខ្លួនបញ្ជូនទៅអគ្គនាយកដ្ឋានដើម្បីអនុវត្តនីតិវិធីបន្តនីតិធីនៃច្បាប់៕