បង្រ្កាបករណីជំរិតទារប្រាក់ ឃាត់ខ្លួនជនជាតិចិន៩នាក់

ព្រះសីហនុ៖ នៅវេលាម៉ោង ១៣:៣០នាទី ថ្ងៃទី៤ ខែធ្នូ ឆ្នាំ២០១៨ កម្លាំងមន្ទីរយុត្តិធម៌កងរាជអាវុធហត្ថខេត្តព្រះសីហនុ ដឹកនាំដោយលោកវរសេនីយ៍ទោ ឆេង វុទ្ធី ប្រធានមន្ទីរ បានចុះបង្រ្កាបករណីជំរិតទារប្រាក់នៅចំណុចក្រុម៤២ ភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ ដោយឃាត់ខ្លួនជនជាតិចិនចំនួន ៩នាក់ ក្នុងនោះមានជនរងគ្រោះចំនួន ២នាក់ និងបានដកហូតវត្ថុតាងមានអាវុធ K59 ចំនួន០១ដើម, គ្រាប់ចំនួន ៤គ្រាប់, បង់ចំនួន ២, ទូរស័ព្ទចំនួន ៨គ្រឿង, ខ្នោះដែកចំនួន១គូរ, ដំបងជ័រ(គ្រលាស់ចេញដែក)ចំនួន ២ និង សម្ភារមួយចំនួនទៀត។
បច្ចុប្បន្នជនសង្ស័យ ត្រូវបានមន្ត្រីជំនាញបទល្មើសព្រហ្មទណ្ឌកងរាជអាវុធហត្ថខេត្ត កំពុងបន្តនីតិវិធី។