ប្រភពព័ត៌មានទាន់ហេតុការណ៍ក្រុងភ្នំពេញ

មានអគ្គិភ័យឆេះផ្ទះ២ករណី នៅរាជធានីភ្នំពេញ បណ្ដាលឲ្យ មនុស្ស២នាក់ស្លាប់ និងម្នាក់រងរបួសធ្ងន់

66

ភ្នំពេញ ៖ កាលពីកណ្តាលរាត្រីថ្ងៃទី៥ ខែធ្នូ ឆ្នាំ២០១៨ មានអគ្គិភ័យឆេះផ្ទះ២ករណី នៅរាជធានីភ្នំពេញ បណ្ដាលឲ្យ មនុស្ស២នាក់ស្លាប់ និងម្នាក់រងរបួសធ្ងន់ ។

ករណី ទី១ នៅវេលាម៉ោង១២៖១០នាទី យប់រំលងអធ្រាត្រឈានចូលថ្ងៃទី៥ ខែធ្នូ ស្ថិតនៅក្នុងបុរីចំការមន ក្នុងសង្កាត់ទន្លេបាសាក់ ខណ្ឌចំការមន ផ្ទះមួយល្វែងនៅក្នុងបុរីចំការមន ត្រូវបានអគ្គិភ័យលេបត្របាក់ស្ទើរតែទាំងស្រុង និងបណ្ដាលឲ្យបុរសម្នាក់ស្លាប់ពេលបញ្ជូន ទៅដល់មន្ទីពេទ្យ និងស្ត្រីម្នាក់កំពុងសង្គ្រោះបន្ទាន់ ។

ករណីទី២ នៅវេលាម៉ោង ២២ និង ១០នាទី យប់ថ្ងៃទី០៤ ខែធ្នូ ឆ្នាំ២០១៨ មានផ្ទះមួយខ្នង់ របងថ្មខាងក្នុងប្រក់ឈើដែលត្រូវបានឆេះ ស្ថិតនៅផ្ទះសង់ថ្មី ផ្លូវលំ ភូមិដំណាក់ធំ១​ ក្រុមទី៣​ សង្កាត់ស្ទឹងមានជ័យទី២​ ខណ្ឌមានជ័យ រាជធានីភ្នំពេញ ។
មនុស្សស្នាក់នៅក្នុងផ្ទះមានចំនួន ពីរនាក់ឪពុកនឹងកូនស្រី​ ៖​ ឪពុកឈ្មោះ ហៅ តា​ រូម៉ា​ អាយុ​ ៦៧​ ឆ្នាំហើយមានសតិ មិនគ្រប់
ចំនែកកូនស្រីរស់ជាមួយមានឈ្មោះ​ មុំ​ អាយុ​ ៣៧ ឆ្នាំហើយមានសតិ មិនគ្រប់ ដូចឳពុកដែរ នេះបើតាមការរាយការណ៍របស់មេភូមិ ហើយឪពុកឈ្មោះ​ តា​ រូម៉ា​ ត្រូវជាប់ឆេះនៅក្នុងផ្ទះ​ ចំនែកកូនស្រីជួយសង្រ្គោះទាន់ បានរួចផុតជីវិត ។បើតាមប្រជាពលរដ្ឋ និង មេភូមិបានប្រាប់ថាឆេះដោយសារតែឪពុកឈ្មោះ តា​រូម៉ា​ ជក់បារី ហើយបោះកន្ទុយបារី ចោលទើបបណ្តាលអោយឆេះឡើង ។ ក្នុងការពន្លត់អគី្គភ័យនេះ ប្រើរថយន្តអស់ ចំនួន ៥ គ្រឿង ហើយបានពន្លត់ ចប់សព្វគ្រប់នៅវេលាម៉ោង ២៣ និង ៣០ នាទី ។

ទោះបីយ៉ាងណាពេលនេះ អត្តសញ្ញាណជនរងគ្រោះពុំទាន់ត្រូវបានស្គាល់នៅឡើយទេ ហើយទិន្នន័យនៃការខូចខាត ក៏ពុំទាន់ត្រូវបានបង្ហាញដែរ ។ ប៉ុន្តែករណីទាំងអស់នេះ ត្រូវបានអាជ្ញាធរសន្និដ្ឋានថា អាចបណ្ដាលមកពីឆ្លងចរន្តអគ្គិសនី ៕

អត្ថបទដែលជាប់ទាក់ទង